【真人真事】冤冤相愛何時曉？: 29.

放下心頭大石的我坐回朋友們的附近，加入他們的話題。

才一靠近他們，他們就不懷好意的對我笑著。

「喂，頭先嗰個邊個嚟㗎？溝到女唔同我地講呀？」其中一位女生問。

「吓，無呀，唔係呀，唔係女朋友嚟㗎。」我傻笑著說。

「咁都唔係？定係你鍾意人呀？講俾我地聽下啦。」另一位女生追問下去。





「講咪講囉，係囉，我鍾意佢囉，不過我覺得佢唔鍾意我咁解。」我說。
「喂喂喂，講嘢要有頭有尾先得㗎喎，你而家咁講兩句就唔講呀？」

在群情洶湧的情況下，我唯有將我跟她的事由頭到尾仔細地說了一次，順便把手上的酒看光。

「Chur，之前又唔講，都唔知有無當我地係frd㗎！」

「咪係囉，收收埋埋咁神秘。」

「唉唔好理呢條友喇，飲完酒我地出去繼續游水luuuu。」說罷這個仁兄便帶頭衝出去。





我於是又跟著他們游出去。

豈料我千算萬算，就是算漏了我酒量不佳，在海中心開始頭暈乏力作嘔，心知不妙的我立即用盡全力游回岸邊。

利申我飲咗咁多次酒，最後我相信，我應該係有啲酒精敏感，基本上一飲就會嘔，所以咁易醉唔關我事。

回到沙灘，我第一時間跑去廁所把胃裏所有東西都嘔出來，接著才回到沙灘躺平休息。

而那班沒人性的豬朋狗友，此時則尚在海中暢玩，絲毫沒有發現有個人平白無端消失了。





頭痛欲裂，四肢乏力，以為自己身處死亡邊緣的我躺在沙灘上看著天上的白雲緩緩流動，看著看著，不知怎的就萌生了打電話給周楉童的這個想法，於是我便拿出電話打給她。

「喂？做咩呀？你唔係同啲朋友係沙灘玩緊咩？」不出數秒，周楉童便已接了電話。

「嗯？係呀...但係我而家飲醉酒好辛苦呀...」我有氣無力的說。

「你做咩飲醉酒呀？你飲咗幾多呀？你而家點呀？」她連珠炮發的問。

「屌...你嬲咗我，我唔開心，咁咪飲酒，飲下飲下，就飲完咗一支，跟住出去游游下水就想嘔同開始頭暈頭痛，於是返嚟去廁所嘔完而家就瞓咗係個沙灘到，好辛苦咁囉。」

「吓，好心你唔飲得唔好飲啦。咁我而家有無嘢可以幫你做呀，有無啲咩係可以令你無咁辛苦㗎？」她問。

此時此刻，我說出了最為勇敢的一句說話，直到現在我也不明白為什麼我當時會夠膽這樣說。





「我想...你嚟接我返屋企呀...」



得閒咪fol下我ig囉：maanyin05