一覺睡醒，發現阿爸變成女人: Ch.12

回家後，阿媽急於準備餸菜，我就充當助手，在旁觀察及記下食譜，盼日後能重製。 

「你到底點煮？」我再次問她，她竟尷尬一笑，笑說每次調味均是隨心、全憑感覺，每次味道不盡相同，也曾被自己廚藝驚艷過。

 「都係睇你有冇心煮。」她一句總結。

 整過程，我不斷發問，她從解答幾句，變成從旁協助、糾正我動作。

 最初，我不敢插手，生怕影響成品、非回憶味道。阿媽反而自信滿滿，聲稱有她在旁，無需擔心。 





於是乎，我倆交換角色位置，上演一場手忙腳亂、有驚無險廚房大戰。 

「收起手指，你咁樣會切親手。」從切菜基本功，我已錯漏百出，漸覺麻煩要求多，想敷衍了事，卻遭阿媽嘲諷：「切個菜都攰，之後嗰啲唔洗煮。」

每聽到這些說話，就馬上打消放棄想法，拼命想要煮好，證明自己有能耐完成。 或因廚房狹窄，距離縮短，彼此互相擠擁，變相多留意阿媽，發現有幾處不妥。不，正確來說，應為阿爸身體有異常。 

「你係咪有口臭。」近距離對話，頓覺她口氣問題嚴重。不僅如此，手腳遇水就易冰冷，手背更異常乾燥，甚至乾至脫皮。 

對於我發現，她全統一答覆：「個身體我借翻嚟。」，使我無法追問。 





「你真係唔洗見阿爸？」 

「唔洗。」  

「你翻嚟⋯⋯唔係為咗佢？」 她頓了頓，欲言又止，終吐出一句：「可以翻嚟已經好難得。」  

「你頭先話淨係我先可以幫佢。講嚟聽吓。」我主動重提此事，阿媽居然噗一聲笑出來。 

「笑咩。」我不滿問。





 「無嘢。本來覺得你大個咗，但頭先又覺得好似以前咁。」 

「咩意思。」 

「欸講咁多，繼續洗菜啦。」她指揮道。 

我皺起眉頭追問：「你都未答我。」 她的答覆，故弄玄虛，使我摸不着頭腦。不論如何追問，她依然守口如瓶，堅稱這就是解決方法。 

「同煮飯一樣。」 這就是阿媽所謂「解決方法」。

未幾，我放棄追問，專心洗菜，卻苦無盡頭。

 「宗仔你太慢啦。一陣仲要醃雞翼，我幫你刨薯仔先啦。」阿媽拿出幾個薯仔，坐在客廳，邊看手機影片、邊削薯仔皮。 

我無法想像，阿媽當初如何於幾小時內，單憑一人之力，完成所有準備功夫。更難以置信，廚房僅得一個爐灶，她竟能一口氣煮出三餸一湯，趕在我們回家前開飯。





甚至乎，每晚餸菜不同，每日均有新鮮感，但我不曾珍惜，習慣當作平凡事，失去後，才明瞭有人等待自己回家，能吃住家飯的温暖。 

上年冬天，抵受住寒風、於人龍中排隊買雙餸飯，今年冬天，又會上演同一橋段嗎？ 

我望向阿爸身體、阿媽身影，至少此時此刻，我並非孤身一人。