不能愛上的星級女神2（下季待續）: 天生愛情狂（上）

若嵐想阻止Candice但似乎不太成功，還是被Candice牽着手走。若嵐發現到我，她鬆開了Candice的手，一面無助地走去我：「向瑾瑜你做咩唔聽我電話啊？你開句聲啦，你女朋友就黎碌爆我張卡啦…」旁邊的Hilary「噗」－聲禁不住笑了出來，掃了正在瘋狂購物的Candice一眼，望向若嵐：「勁喎～朱浩婷碌爆你張卡…佢買飛機定買遊艇呀？冇理由啊你咁疊水～」
「邊夠你有錢呀？」若嵐生氣起來還是很可愛。
「萬若嵐，而家佢係你女朋友唔係我女朋友，你洗少少都好應該啊。」我有點呷醋地說。
「喂！佢同你鬥氣架炸！但係你兩個鬥氣要碌爆我張卡，我唔制囉～」若嵐鼓起腮子，我和Hilary也忍不住偷笑。
「喂朱浩婷！Paris今季新款啊…」Hilary拿著那個新款手袋去叫Candice過來，若嵐幾乎嚇得暈倒、動彈不得：「關語芯我可唔可以殺咗你…」

Candice看見我們三人站在一起，面口又黑了起來。她一手牽起若嵐，溫柔地對她說：「海昕你肚唔肚餓啊，我哋上上面餐廳撐枱腳？」
「不如…同埋佢哋一齊食？」若嵐試探性地問，Candice鬆開了手，轉身準備去結帳。若嵐立刻上前哄她：「啊？Candice呀…我冇錢啦！你放過我荷包啦？」Hilary還在一旁偷笑，她買了兩個最新款手袋，施施然走到櫃檯前說：「得啦～朱浩婷果d，等我埋單。」
「而家邊個叫你埋單呀關語芯？」Candice不滿地說。我上前去旁觀著這個混戰。
「Candice啊，你不如唔好再同瑾瑜鬥氣啦？鬥氣傷感情、又傷荷包，唔抵啊…」若嵐真的太搞笑了。




「其實你無啦啦多咗個女朋友，我又多咗個男朋友，而家呢個關係唔好咩？」Hilary邊照鏡整理瀏海，邊等待收銀完成結帳程序。
「下？」若嵐又來了個天然呆，Candice雙手交疊胸前，睥了我一眼，但我還是沒有開口，畢竟我還未想到我們之間的解決方法。
「不如我地一路食一路諗？你地啱啱落機應該肚餓。」我對若嵐說，若嵐立刻捉住Candice手臂：「係囉，Candice不如我哋一齊食野先…」Candice有點不情不願，但還是我們四人一起去吃接近晚飯時間的飯餐。

Candice坐在我對面、Hilary坐在我身邊，這次若嵐有點通氣，向我打眼色讓我先問Candice。
「Candice，你有咩特別想食啊？」我小心翼翼地問，她望了一下餐牌，說：「我想食法式田螺同埋呢個crepe，其他冇所謂。」
「你地呢？」
「好啊。」
「你揀埋main，我想開支酒。」Hilary果然是Hilary，總是習慣佳餚配美酒。
「OK，咁不如田螺、洋蔥湯、crepe…呢個燉牛肉都幾好…」……這次，我為Candice拆田螺肉和切法式薄餅，只是我全程什麼也沒有說。沒想到關語芯原來也可以很有風度，她見若嵐笨手笨腳，主動幫她拆肉。別看Hilary這頭狼樣子嫌厭別人又擅長掩飾內心，但這餐飯她一直默默為我打掩護，亦照顧著若嵐讓我無後慮。雖然她真的很難捉摸，但其實她本性不壞。





「哇！好靚呀！」
吃完飯天色漸漸黃昏，日落中的巴黎鐵塔特別誘人、特別浪漫。
「Hilary！你幫我影相得唔得呀？黎啦～」若嵐這個的「暗屬性」不需用手段，便可以自然地令關語芯的城府「輕機」。Candice在我身邊與我保持距離地並排行，我雙手插褲袋，享受著眼前的美景。
「雖然我唔知Hilary想點，但係我想講，今日嘅佢顛覆咗我對佢嘅印象。」Candice主動開口。
「我都唔知佢想點，不過相處咗段時間，其實佢份人真係冇咩架。」我和應。
「咁…你對佢有冇好感啊？」在夕照下望向她，看得出她化了眼妝仍然有些黑眼圈、有些少浮腫，我不敢想像她哭的時候我不在她身邊，她是多麼難過。
「你點諗都好，我都係果句，佢唔係你。」我掏出手機拍照，Candice正打算走近我，此時Hilary和若嵐回來了。
「不如我哋上塔頂咯？」若嵐張開雙手，－手指著塔尖，興奮地說。「好啊～」「行啦！」「關語芯你行快啲！」「點解呀？」「我就破產啦，你比錢啦～好唔好呀？」「我？」……若嵐興奮地推着Hilary在我們跟前跑，Hilary的背影相當無奈，看來居然有人可以治到她。





「好大風啊！！！」塔尖的風將她們三人的長髮徹底吹亂，若嵐似乎有些冷，我正打算將外套給她，關語芯仿佛留意到我的舉動，她按住我手搖頭，把自己的外套脫下披在若嵐肩上。若嵐望向關語芯那個距離加上夕陽之下，我拍下了她們對望的那一剎。