洗衣機食左我隻襪: 想辦法

我當然會幫我既細佬啦! 尤其係我有份令到佢死…
“你放心，我一定會幫你! ”
 
 講真，我根本毫無頭緒，我接受到呢啲匪夷所思既事，
但係一時間我真係諗唔到點樣可以幫佢。
 
細佬同我講，佢試過好多方法，包括有吊頸自殺，飲泡泡水…
聽到呢度，我有啲心寒，一個4歲既小朋友，竟然會做出呢啲行為
唉，我亦都明白到佢想離開既欲望好強，
我知道我係唔可以令佢失望架！




「不如出去睇睇」，希望出去行個圈會諗到辦法啦。
細路話「都可以既，但係出面其實乜都冇，呢兩間房都係我自己創造出黎」
 
乜都冇 可能更加好，如果有破解既方法，應該會易啲搵得到。
唔知架，至少我係咁諗啦
 
於是我地就行返出去果個灰色既地帶。