洗衣機食左我隻襪: 被困的靈魂

細佬：
 
“洗衣機食左你既襪”，呢件事唔只發生喺你身上。
當時我死左喺洗衣機，我既靈魂就被困左喺洗衣機入面，去唔到任何地方。
喺呢度我可以有啲特殊能力，就例如係啱啱我輸入記憶俾你咁，
但係我一直無法離開呢度。
 
其他細細個就死左既孩子，佢地既靈魂係會去到一個類似天堂既地方，
但因洗衣機而死既小孩，無一個逃得過被困既命運。
 




我間中可以用腦電波黎同其他被困既靈魂溝通，
佢地教我，試下偷走洗衣機入面既衣物，以黎喚起屋企人既注意，
睇下佢地可唔可以諗辦法幫助我地，不過我到依家都無聽過任何成功例子
 
當我初初黎到呢度時，真係好想好想盡快離開，
所以我諗住偷走爸爸條牛仔褲，因為夠大，肯定佢會注意到。
有靈魂即刻叫我停手，佢話千其唔好偷大人既衣物，
因為佢地只會判斷為洗衣機壞左，跟住佢就會掉左呢個壞既洗衣機，咁代表住我地逃出既機會渺茫。
 
有靈魂同我講過，佢既父母轉售左個洗衣機，佢嘗試喚起人注意，




但係新既用家當然唔會理，更加打爛左個洗衣機，拆散黎賣。
結果，佢永世都冇機會到達天堂。
 
所以我唯有偷你既襪，我知道你一定會發現，我亦都諗住當有成功既一日時，
我會還返哂啲襪俾你先至上天堂，所以我好整齊咁將你啲襪掛喺房入面。
 
其實我誓估唔到，你竟然會為左搵出個原因，親自入黎洗衣機。
或者真係上天幫我，俾個機會我逃出呢度。
所以我即刻拉你入黎，希望你可以幫我。
 




家姐，你會幫我架可?