洗衣機食左我隻襪: 回憶

個細路仔細細聲啜泣，望住我對眼，用一個唔知咩方法，
將一堆堆相當真實，係有關我同佢既生活片段，注入我既腦袋。
我個頭經過一陣劇痛，忽然間湧現出埋喺深處既記憶…
 
我眼前呢個小朋友，其實係我細佬，
我5歲果陣時，有日細佬晨早流流起左身，仲叫醒埋我:
“家姐家姐，我醒左瞓唔返,我要玩捉迷藏!”
我睡眼惺忪，同佢講： “爸爸媽媽仲瞓緊覺，點落街玩呀”
跟住佢又拉又扯， “陪我玩啦，喺屋企玩咪得囉，黎啦黎啦！”
見細佬咁，我即使十萬個唔願意，都起左身。 “唉，好啦”




 
我做捉人果個， “1,2,3…100”  出到去搵極都搵唔到細佬
呢個時候，呀媽喺房門出黎，似乎好不滿我嘈醒左佢
 “家姐！你晨早走黎走去做乜？無野做就幫手開機洗左啲衫去！”
我正想解釋之際，呀媽好唔耐煩咁講：
“去啦! 起身又唔係溫書…”  然後呀媽返左入去
 
我俾呀媽嚇一嚇，即刻去洗衣機㩒制開機，

跟住我就拿拿臨返去張床繼續瞓，因為果陣真係好早，




3點幾4點呀!