洗衣機食左我隻襪: 選擇性失憶

接落黎會發生既事，相信大家都清楚估道，所以你可以速讀以下呢段故事。
 
我仲瞓緊果陣，聽到呀媽尖叫，呀爸由間房跑出去
“細佬！細佬你應下我！” “喂，999…”
我即刻跑落床，出到去廳，見到呀媽抱住細佬，細佬成身濕哂。
當時既我未知咩事，呀媽一見到我，就放低細佬，係咁搖我個膊頭
“你做左啲咩？你知唔知你害死左你細佬！你害死左細佬呀！”
呀媽越講越激動，一路喺度喊
“我係想追個仔，依家咩都冇啦！你點做人家姐！”
 




我完全呆左…細佬死左？細佬死左?! 細佬死左!!
我個腦唔係好運作到，漸漸我聽唔到外面既聲音…
我好努力咁思考發生咩事:
“起身…捉迷藏…洗衣機…細佬…” 我唔想再諗喇我唔想再諗喇
 
父母覺得我應該為細佬既意外負全責，對我變得冷漠，
我亦變得內向，因為我認為世界上冇人喜歡我。
 
呢件事令我有創傷後遺症，我要見心理醫生，
醫生教我可以將件事埋入深層記憶，以後唔再諗返。




而呀媽呀爸都對個意外隻字不提，
自此，我完全忘記左我生命中有細佬既出現
 
直到呢刻，我見返我個喺洗衣機之中死去既細佬...