洗衣機食左我隻襪: 向右走

由於我有啲怕偷襪賊係個死變態，我決定喺佢到呢度之前離開。
一於趁呢個時間去探索埋啱啱右邊果間房，睇下有沒有咩新線索
我就行返出去頭先果度，向右邊既門進發。
正當我想推門之際，門既鎖把亦都同時轉動緊!!!
入面有人! 我驚慌失措，反應唔切，門開左
我掩埋左眼大聲尖叫左一聲，
“啊～～～～！！！！！！”
“ahhhhhhhh～～～～！！！！！！”
 
有回音??




唔係喎，係對方尖叫緊，但係把聲好幼稚，好似啲BB仔咁…
於是我拎開我隻手，開返眼，企喺我前面既，
並唔係我想像中既咸濕變態呀叔，而係一個大約3,4歲既細路仔，
佢個臉圓圓地，大大隻眼，都幾可愛既

又係喎，唔怪得啱啱間房啲襪都掛得咁低啦

見到細路仔受驚，我都有啲唔好意思，
我拍下佢肩膀， “冇事喇冇事喇 小朋友你唔駛驚”
個細路仔係就係冇再驚叫呀，但係佢表情變左做嬲，




佢嘟起個嘴仔，瞪住我： “小!朋!友! 咩小朋友呀! 哼”
我莫名其妙，O左嘴，然後佢拉住我隻手，拖我入去間房。