洗衣機食左我隻襪: 襪襪送
突然間,個地板傳來連續不斷既震動,係成個房間都震緊,我見到啲襪都搖黎搖去!
地震?但我認為我唔身處喺地球,咁呢個地震即係由其他野引發?
“叮噹,叮噹”, 類似門鈴既聲音響起,
但我黎果陣對門前係冇門鈴,所以一定唔關事,
我左右望下,見到牆上面原來有個顯示版,
「襪襪送」呢三隻字喺度閃下閃下。
![](http://i3.minus.com/jbw3cjwdGz4ck7_e.jpg)
……吓,乜料呀… 我幾時有叫外賣
與此同時,房間既角落有一扇暗門推開左,
有一隻屬於我既襪出現左,而震動亦都隨即停止。
地震既謎已經解開,原來係因為洗衣機攪動轉動,引致呢度受影響。
另一個問題出現了,我所見既襪都係掛住喺度既,
但啱啱黎既呢隻仲喺地上面,咁都總要有個人/有啲野掛起佢架!?