情人節那天，我在衣櫃中找到我生命中的天使: 第十六章：天使既秘密？

 
  「阿怡……？點解你會知道我頭先去左揾阿怡架？」
 
  「咁係因為…呀……」
 
  「阿怡同我表白呢件事到底係唔係你搞出嚟架？」
 
  「唔係呀……但係又唔係完全唔關我事既……」
 
  「乜野又唔係又係呀？到底關唔關你事啫？」




 
  「我只係用魔法令阿怡佢過嚟揾主人你表白喳。」
 
  「用魔法令佢同我表白？你唔覺得咁樣去令人中意我係一件好卑鄙既事嚟架咩？」
 
  「唔係咁架主人，咁係因為…因為阿怡佢一早就中意左你，我只不過係用魔法令佢鼓起勇氣嚟表白啫。」
 
  「原來阿怡佢真係中意我架……之但係佢同唔同我表白呢啲都唔係我要面對既困難，其實你冇必要幫我架喎。」
 
  「咁係因為我知道以主人你既性格一定中意咗人都唔會敢講出口，所以我先襯自己仲未返上天堂既時候幫主人追尋幸福。而且我走左之後都唔知之後仲會唔會有機會落嚟同主人你見面……」




 
  「原來成件事係咁既，仲等我係咁諗點解阿怡今晚會嚟揾我表白添。不過呢……你既好意都白費曬嚕，冇錯我係去左揾佢，但係最後我都係決定返嚟海邊。」
 
  「點解要咁做呀主人，咁難得你地先可以喺埋一齊？」
 
  「咁…咁咪因為你囉，你一日到黑都喺到訓覺，萬一比人咩左都唔知咩事啦，仲叫我…我點可以好安心咁去揾阿怡喎。就算喺阿怡面前我都會喺咁諗住你架啦，唔可以一心一意同佢一齊既話我又點可能真正得到幸福先得喎。」
 
  「主人……」
 
  「咩事呀？」




 
  「原來係係咁關心我架，多謝你呀。」
 
  「呀……你……你無啦啦咁講，我都唔知比咩反應你好啦。」
 
  「嘻嘻。」
 
  「你真係呀……」
 
  「不過主人你真係唔會後悔？可能就係因為主人就咁走左去，永遠都唔可以同阿怡喺返埋一齊架啦。」
 
  「你話後悔呀……其實我都有諗過呢個問題架。之不過呢，我知道…如果我宜家唔嚟呢到既話一定會仲後悔。」
 
  「主人……」
 




  「唉，你唔好咁望住我啦，搞到我都有啲怕羞啦。不過講開又講呀，其實你今日係唔係有啲唔舒服呀？如果唔係點解你喺咁訓既？」
 
  「唉，睇嚟真係所有野都瞞唔到主人你。」
 
  「瞞住我？即係點呀？」
 
  「其實我地呢啲天使每次用完魔法既時候都會有副作用架，每個天使有既副作用都會唔同。有啲天使用完魔法就會講野口窒窒咁，有啲就會喺咁發燒之類。如果我地想解除自己既副作用既話只有兩個方法，一係等啲副作用自己散開，如果等級高啲既天使就會回復得快啲，至於我地見習天使既回復時間就要四個鐘頭；第二個方法就係要主人做到特定動作就會解除到。」
 
  「原來用魔法係咁麻煩既事嚟架。咁…你既副作用係咩呀？」
 
  「嘻嘻……我每次用完魔法既副作用就係會成個人變得好眼訓，好似幾日冇訓過覺咁。」
 
  「原來係咁……咁唔通我唔洗去家豪嗰間高級餐廳同埋食到啲變得好味既明昌壽司都係你用魔法嚟幫我既？所以你喺地鐵同埋行海邊既時候就係咁訓。原來你唔聲唔聲已經幫左我咁多……」
 
  「不過我都知道自己訓著左既時候已經比左好多麻煩比主人你，真係好對唔住呀。」




 
  「唔緊要啦，其實都唔係好麻煩啫，之不過你頭先話過要解除個副作用其實只需要我做到特定動作都得，咁到底係要做咩呀？」
 
  「真…真係要講呀？」
 
  「講出嚟啦，咁如果下次你又有副作用我都可以幫你解除呀嘛。定係…個動作好難先做到架？」
 
  「咁……我講出嚟都得……但…但係主人你唔可以笑架喎。」
 
  「笑？點解我要笑呀？你都係講出嚟啦。」
 
  「咁…咁我講出嚟架啦。其實個解除方法就係要主人用身體壓向我個心…口…到……」
 
  「唔係呀化，個動…動作咁尷尬既，咁我又點可能做到呀……不過我又好似成日都唔小心咁壓到喎：地鐵嗰時係咁，頭先比去死去死團嚇到跌底嗰時又係咁。」
 




  「其實唔止架，我啱啱用魔法由天堂轉移到衣櫃嗰時都係一樣……」
 
  「原來之前喺個衣櫃入面，背脊feel到軟軟地既感覺係咁嚟既……」
 
  「不過無論點都好，我都要多謝主人你，如果唔係主人既話我一定有排訓。」
 
  「咁又唔洗……」
 
  「既然主人你既問題我都解答曬，我諗我都係時候要返番上天堂啦。」
 
  「吓，咁快？」
 
  「其實都唔快架啦，如果比天堂既警察天使發現我唔係為左幫主人解決困難而留喺凡間既話會比佢地視為非法逗留，要罰好多天使點數架。」
 
  「既然係咁，喺羨婷你返去之前我有樣野一定要同你講架。」




 
  「係乜野呀主人？」
 
  「頭先見完阿怡之後，我發現自己其實係好中…中…中……」
 
  「中？中乜野呀？」
 
  「中…依…依…呀！」