𣎴能愛上的星級女神（完）: 冷淡

自從昨夜之後，我感覺到Candice連回訊息也冷淡了，在片場寧願和若嵐聊天也不過來我身邊和我打罵。我主動走到她們身邊，她卻故意避開，剩下我和若嵐。「你同Candice做咩啊？」若嵐問，「冇，佢對我有啲誤會，但係佢唔俾機會我解釋啫。」我把事情簡化，再補充：「我哋冇野嘅，過多幾日佢就唔嬲。」我嘴上這樣說，但心裏知道她這次可能真的不想再理我。

本來打算收工再試一次找她聊天，但卻見到Terris駕了跑車接她下班，手上還有一束香檳玫瑰。Terris看見我只是點點頭，Candice沒有望見我，只是很受落地在Terris的風度下上了車。我的心空虛了一片，不敢想像今晚她會不會像之前一樣把Terris帶回家滾床單。剛轉身回頭，看見望着我背影在發呆的若嵐。
「若嵐？」我強裝冷靜，她似乎也是一樣：「你肚唔肚餓？一齊食飯？」我點點頭。

我和若嵐買了些外賣壽司和兩支大吟釀回我家吃，在回家途中，我看到報紙檔在賣新一期的雜誌，封面一小半是我和Candice在天星小輪被偷拍的照片，一大半是這幾天偷拍Terris和Candice看日落時Terris把外衣彼在她身上的相片。
「走啦…」若嵐本想拉我走，我還是買了一本回家。

「叫你唔好買，你就偏偏要買…」
我和若嵐也沒有胃口，但大家也喝酒喝得很急，兩三大杯下肚已經有感覺。我打開了雜誌內頁，看見狗仔隊拍了數張他們坐得很近，Terris 對她細心溫柔的照片。「手段啊！你睇吓呢啲女人！講到尾咪又係要個富二代！」我把茶几狠狠踢了一腳，指著若嵐其實在罵自己說：「早覺得佢點會中意你啊？你咁窮！人哋Terris少爺…200萬當跌咗炸！我…咁多年黎嘅人工，全部都用黎比舅父…同爺爺生活，仲要還比程心……200萬？哼…我三分一都冇……」酒杯中的酒瀉了些在桌上和地上。




「你不如諗下…點解你自己…鍾意一個人都要拖咁耐？…」萬若嵐一手抽起我衣領把我拉近，比平時凶狠地罵我：「向瑾瑜…你知唔知你真係好乞人憎？…」面紅紅的她大力推我，但甚有醉意的我反而覺得很爽。
「你鬧得好！」我指著她大聲地贊同：「係我衰！」模糊中我打了自己一巴，同樣覺得很痛快。
「萬若嵐！」我烘近她：「你打我啦…」
「我好想！」她傻笑著，卻又忽然流着淚說：「但係我做唔到…」她忽然搶走了我的手機，撥了給Candice，可是響了很久也沒人接聽。

我喝下第四大杯酒，亦斟了杯給若嵐，影像也開始出現重影。
「而家幾點呀？…佢而家同Terris喺張床度啦！」我把心中的不忿發洩出來，若嵐霎眼間已經撥通了Terris的電話，還開了擴音器。
「瑜哥，你搵我？」
「咦？通咗Terris喎…呢啲咪好兄弟咯！一路扑野一路聽我電話…」我對著若嵐，與她一起傻笑。
「喂瑜哥？你地飲醉酒啊？」




「高浚希你同我聽住！…」我越來越不清醒，已經控制不了自己的大腦：「你搞我條女！…高浚希，你同我溫柔啲對朱浩婷…知唔知啊…」
「瑜哥，你喺邊度啊？我哋嚟搵你先……」
「你條女？向瑾瑜！你當我係咩呀？…」若嵐把我的電話大力扔在我身上。
「萬若嵐你黐線㗎…」我痛得生氣。
「瑜哥、若嵐，你地喺邊呀？」
「佢屋企！」「唔關你事！」我和若嵐同時撞聲。
「你有本事！…我比你打！黎呀！…」我頭很暈。「你以為我怕你呀？」我隱約看到若嵐拿起吟釀仿佛要爆我瓶的樣子，但太暈我伏在桌上，只聽見「呯！」在耳邊爆玻璃的一聲，眼前一黑便斷了片……