係同屋室友?定係同居密友?: (S3)41. 苗老太電話

「丫!!D節目播D唔播D，個死仔包D野都唔講嘅!!」肖師奶非常不滿電視台唔播佢係庭外嘅片段
 
「理咩丫，諗下點用D錢仲好啦」肖翠琴已經睇緊名牌手袋之類，唯獨肖翠君一個有口難言咁
 
「我食飽啦」肖翠君放低碗筷返房，諗緊之後嘅事要點
 
肖師奶而家眼中就只有樓同錢，對於自己個女同肚中嘅外孫都冇時間理
 
肖翠君嘗試想同苗學翹聯絡，當佢打好哂MSG後又del返，打好又del
 




再開庭之前，雙方都只可以靠律師進行溝通。每次游律師想溝通果時，肖師奶都一律反對
 
「和咩解呀!!而家我地贏梗架啦!!和解咪即係輸，乜都拎唔到?唔得!!!要佢加多一百萬俾我添呀!!果個死仔包」
 
「我都認為唔可以和解，我地技術上都已經贏左，只係爭個官點判」鼎係肖師奶身邊附和
 
「肖小姐妳唔想做DNA test係因為怕傷到胎兒，冇問題嘅，只要醫生反對，法庭都做唔到d咩」
 
聽到鼎咁樣講，肖翠君心情就鬆左少少
 




「爭少少就得，忍埋佢…..」
 
苗學翹果一邊，好快收到游律師通知，醫生反對抽取羊水(Amniotic fluid)
 
「冇DNA報告，應該冇咩問題嘅，我地有醫生幫忙會計日子」

係苗老太屋企，佢知道肖翠君肚中果個係男仔之後，開心到唔理事實

「終於可以開枝散葉囉老頭子」





開心到喊嘅苗老太立即拎起電話....
 
係宿舍中嘅苗學翹，同梁小祺一面輕鬆，不過好快，學翹就收到苗老太電話
 
「你個衰仔!!!立即同我係層樓到除家姐名，加果個女仔名上去!!!」
 
「阿麻妳又講咩呀?」
 
「而家全部人都知你搞大人地人個肚唔認數!!!個胎係我地苗家嘅種黎架!!!仲係男丁!!!佢係我地屋企繼後香燈嘅希望!!!你點可以咁對人架!!!」
 
苗老太係電話中涕淚俱下咁講
 
苗學翹真係俾呢個老人家玩到殘，先黎個村姑，之後又黎個大肚
 
「阿麻而家個官判左啦咩?」




 
「你仲唔認?!唔係你唔通係其他人呀!!而家我出街成日都俾人指指點點呀!!話我地冇家教!!!」
 
「阿麻妳一口咬定係我做，咁如果唔係我做咁點先」
 
「有空門唔係唔射波呀?」苗學翹心諗
 
「唔係你做，阿麻以後都唔煩你結婚!!!」
 
「係囉，咁咪好囉」苗學翹心諗佢又贏一次
 
「總之妳唔好睇咁多西張閪望，有咩事交俾姐夫搞就得」
 
「咁人地個肚點呀!!!你唔認數呀!!!」
 




「咁又唔係我做，我認咩數呀?一陣個個俾人搞大個肚就黎搵我，我咪好唔得閒?」
 
「總之你同我快D除家姐名!!!加返人地個女名上去再娶佢入門!!!」
 
「監倉就有得佢地一家人入呀，係咁啦阿麻，唔好忘記妳同我輸賭呀」
 
坐係苗學翹身邊嘅梁小祺，從對答都得知電話內容係咩，佢知道老人家心中諗乜，所以自己都唔介意，反而仲用黎笑學翹
 
「似乎而家個個都當你係渣男咁睇喎」
 
「大家睇得西張閪望太多，個個都閪哂」
 
梁小祺係書房拎出左佢地兩個人嘅護照，仲有上次去日本嘅所有文件同消費紀錄，通通都已經順序排好哂
 
小祺唔單止可以將屋企管理得井井有條，仲可以係學翹需要嘅時候幫到佢手




 
「姐夫叫我地準備好嘅野都搞掂哂」
 
「咁下次應該好快搞掂」
 
梁小祺望住d文件簽名「如果唔細心留意，真係唔知你有呢種習慣」
 
「唔……我都唔知點解架，不過呢個習慣救左我囉」