係同屋室友?定係同居密友?: (S3)39. 奴隸經歷

苗學翹坐一坐好個人先，然後再慢慢講
 
「佢地知道我有部車仔後，就經過要求我車出車入」
 
「咁你認為有咩問題?」
 
「如果話順路，係九龍車一車佢地當然冇所謂，但佢地要求我入天水圍車佢地周圍去。有時肖小姐話借故想去行街，當我部車去到一個點果時佢地就扮撞到，之後就順理成章上埋我車，然後佢地自己去做佢地想做嘅野，扔低我一個」
 
「仲有冇?」
 




「佢地會嫌棄我部車，但又要坐」
 
「點解會嫌棄?」
 
「可能係肖小姐d朋友成日租TESLA黎渣掛」
 
「咁你幾年黎有冇金錢上損失?」
 
「可以話有嘅，每一次去食飯都係我負責俾錢，話會遲D俾返我，但次次都冇下文」
 




「仲有冇?」
 
「大時大節要拎錢俾佢地屋企嘅長輩孝敬下佢地啦，仲要俾利是佢地屋企長輩」
 
「佢地有冇話原因?」  「佢地話係佢地習俗」
 
「咁苗博士當時月薪幾多?」
 
「當時公證行人工大約$13000左右，未計花紅雙糧，而studentship就大約$16000左右」
 




「咁可唔可以講你將大部份錢俾哂肖小姐一家?」  「可以」
 
呢個時候，林大狀作為控方大狀，自然要反對
 
「反對!法官閣下!!反對證人以毫無根據紀錄去批評我當事人」
 
「反對有效，證人需要出示證據以證明事實」
 
肖氏一家認定苗學翹拎唔到任何證據去指證佢地用佢錢，不過佢地忘記左，苗學翹係一個研究博士，所有野佢地都寫LOG
 
「我呢到有我嘅銀行信用卡簽賬單、隧道紀錄、仲有我每日用錢紀錄，可以逞上俾法官閣下」
 
林大狀見狀再一次反對「反對!法官閣下!!呢D所謂證據整有可能由證人偽造」
 
三名法官仔細閱讀證據後得出「反對無效，呢D全部係由銀行及隧道公司發出嘅正式收據。而證人自己所寫嘅紀錄，除左記錄低控方當事人洗費外，亦有記錄其他自己消費，而記錄同證人自己銀行記錄吻合，所以呢份證據成立，控方反對無效」




 
麥大狀「法官閣下，辦方再無問題」
 
「控方有否問題提問?」
 
林大狀起身行向苗學翹
 
「苗先生，咁請問你有冇向我當事人要求過還錢?」
 
「有」
 
「但你有咩證明佢地冇還?又或者還現金?」
 
「冇」
 




「咁你同肖小姐係情侶關係，為佢屋企付出唔係好應該咩?」
 
苗學翹諗一諗「照林大狀你反講，即係閣下可以為其他人無條件付出?我一定唔可以」
 
苗學翹咁講，引黎全場大笑
 
「而且肖大小姐仲經常要求我同佢一齊投資，佢地連錢都冇俾返過我，我又點會信佢地?」
 
「法官閣下，控方提問完畢」
 
麥大狀再企起身行去苗學翹前「苗博士剛先你提到，肖大小姐問你投資嘅事，請問可以同大家解釋下嗎?」
 
「當時佢聽朋友講，去左參加直銷香薰公司，就叫我一齊去聽再投資」
 
「咁你有冇拎錢出黎投資?」




 
「冇」 「原因?」
 
「因為一間公司已經非常出名，經常有人到警署報案受騙，而且以肖大小姐對生意嘅常識，令我信唔過」
 
「點解呢?」
 
「因為佢會迷信一D預言，有預言預計佢會係去年識到有錢人家同佢結婚，只要俾$5000出黎可以加強運勢」
 
「結果呢?」
 
「結果佢辭左份工係到等，但係到而家對方都未出現，反而叫佢俾錢嘅占卜師就俾警方落CHARGE」
 
麥大狀係忍笑下「法官閣下，我再冇提問」
 




但係林大狀之後一手，就出乎其他人所料