係同屋室友?定係同居密友?: (S2)40. 畢業典禮

「妳睇下妳啦Suki，幾咁幸福嘅樣咁呀」Rachel係台下坐係小祺身邊潤佢
 
其實係台下，好多畢業生都係到玩電話、睇片，因為成個畢業典禮都係上台，行落黎，搞掂，而且佢地會頒授左UG先，然後到PG同Ph.D，換言之，學翹會係最後一批理學院上台嘅畢業生，因為Ph.D係要俾主禮用帽拍一下佢個頭
 
台下，學翹同佢Ph.D同學係到利用學校wifi黎睇緊電影

「有咩?好明顯咩?」小祺摸住自己塊面
 
「成個幸福樣都show哂出黎啦妳，點呀?試左未呀?」
 




小祺望一望四周後點一點頭
 
「痛唔痛呀?」  「少少咁啦」
 
「有咩感覺呢?」  「咪..最後好似妳所講，好暖好熱囉」
 
「妳曳啦妳，一星期幾多次咁呀?」  「兩至三次囉，喂呀，妳自己都係咁啦，仲問」
 
「我咩呀?我Dry左3年幾啦」 「妳前排唔係去Vincent宿舍過夜咩?」
 




「正如妳所講，去過夜唔代表會上埋床」 「但係妳唔想同佢發展下咩?」
 
「好感就一定會有，佢咁照顧我」「係囉，慢慢發展下囉」
 
「而家到妳教返我轉我轉頭喎，上次買果d bra同底褲有冇幫到手呀?」
 
「都有嘅，係屋企佢見我著住嘅話，就知道果晚會…..咩囉」
 
一眾UG慢慢行上台，由First class honor 開始，然後鴨仔團一齊上上落落，鴨仔團後，就到PG上台，小祺一眾人等排到後邊，佢地非常開心，因為可以俾多D空間佢地睇劇打機
 




「以下頒發理學院M.Phil 學位」終於到小祺佢地啦，佢地個program其實學生唔多，所以一定好快行哂
 
「郭曉昕小姐」Rachel行上台時，台下好多尖叫聲，因為Rachel可以話係PG界中嘅校花，除左D cup導彈身材外，佢個樣都唔差，所以好多人唔明點解UG果時佢男朋友會出軌
 
「梁小祺小姐」到小祺果時，掌聲同Rachel差唔多，係差左冇哂D狼叫
 
PG頒授完畢，之後到為數不多嘅Ph.D上台。Ph.D同其他嘅畢業生唔同，佢地要獨自唔戴帽上台上，接受主禮嘉賓用帽由上拍向佢個頭，授予博士學位
 
小祺係台下好緊張咁睇，終於到學翹上台
 
「苗學翹先生，Master of Philosophy & Doctor of Philosophy in Biotechnology」
 
Rachel係台下聽到學翹同一時間拎M.Phil同Ph.D，佢個口打開後合唔到
 
「佢係dean list黎架?」 「係呀，所以佢用5年就take M.Phil同Ph.D」




 
「妳執到寶喎，佢唔做Staff都可以做Assistant Professor啦喎」Rachel用手膊撞左小祺一下
 
「佢都冇話讀Post doc，點做professor呀」
 
「可能佢有妳唔知呢」
 
學翹係台上，接受左主禮嘉賓拍頭儀式，然後院長幫佢著起博士袍，代表佢滿師畢業
 
「點呀，妳呢個博士夫人，會唔會考慮讀埋Ph.D呀?」
 
「唔啦，見妳咁辛苦」
 
「所以妳應該黎陪我丫嘛」「唔制」
 




台下嘅卓凝卓賢對住佢地阿姨講「細姨妳畢業果時會唔會又有好多男仔尖叫架?」
 
「當然!!妳阿姨我綽號新加坡林明禎」
 
「哪兒來的自信啊?」卓凝望住佢阿姨講
 
「咩話!?妳阿姨我唔靚咩!!」
 
「過得去啦，過得去啦」
 
當卓凝同學嬛同場果時，每一次都會有笑料出現