係同屋室友?定係同居密友?: (S2)07. 夢話

好快到左筲箕灣，佢地落車後，學翹就行東隧過海
 
係車上，小祺打開窗，等鮮風吹下自己，令個人舒服少少
 
「妳而家仲有冇想嘔頭痛呀?」
 
「冇啦，好彩聽你講食定解酒藥者，如果唔係，我今晚可能會失身添呀」
 
「而家知我關心妳緊張妳呢?」
 




「咩喎，我知你一直咁錫我架」小祺個心非常甜咁答學翹，佢係自己咁大個女以黎，最關心自己嘅男仔
 
「係囉，無啦啦做左妳男朋友囉」
 
「咁….掛名之嘛…我地都…瞓埋同一張床囉，係唔係幫下我都唔得先」
 
「下次呀，唔好再亂飲野啦，all around the world妳都敢飲，下次俾杯長島冰茶妳嘅話，包妳一半就瞓低」
 
「知啦男朋友!我都想快d返去休息」
 




小祺係車中除左佢對平底幼帶涼鞋，然後輕輕按摩下d腳趾
 
學翹見到就問佢「對涼鞋好緊呀?腳趾紅哂嘅?」
 
「我自己校緊左，而家校返啱啦」
 
返到宿舍，學翹先落車
 
「妳等陣先落」
 




「做咩呀?」
 
學翹行到小祺果邊，幫佢開車門後蹲低
 
「妳上黎啦，我孭妳返去」
 
小祺見咁樣，就好開心咁跳上學翹背上，關好車門，一齊返宿舍
 
果一刻，佢地同平常嘅小情侶無異

小祺今晚其實飲左唔係好多，兩杯加埋500ml左右，但係就不停去洗手間，呢個正正係學翹唔鍾意飲酒嘅原因
 
好在之前食左解酒藥同打左底，所以而家冇咩問題，而且，小祺頭先返到宿舍後就嘔左一次，個胃鬆哂，而成個人都醒醒地
 
學翹幫佢斟左杯熱水俾佢，熱水能醫百病，飲完過後，小祺成個人都好舒服




 
沖完涼後，小祺係到按摩自己隻腳，自己校到對涼鞋太緊，而家腳趾仲有少少紅
 
學翹見狀，就叫小祺坐去按摩椅鬆下
 
小祺坐係按摩椅上，睇住自己同學嘅wts group
 
有男同學送女同學返屋企、有人有下一場，亦都有男女同學上左酒店房「休息」
 
而Victor就因為飲左酒，開始頭暈唔可以渣車，佢就被Jolin送左去休息
 
小祺係個group中打msg「我返到宿舍啦，各位早抖」
 
放低電話後，佢合上雙眼係按摩椅上休息
 




時間差唔多12點，小祺比較攰，所以佢按摩緊果時，係椅上瞓著左
 
學翹係廳到晾好衫後，見到小祺係椅入邊瞓著左，於是佢就公主抱起小祺，返入房瞓覺
 
依舊學翹坐係床到睇書，小祺瞓得好甜
 
「佢係我男朋友呀….唔…」小祺發開口夢都回憶返剛才介紹學翹俾同學識果一幕
 
「呢個正一傻妹黎……」學翹望住小祺
 
「但佢又傻得幾可愛」
 
係柔和燈光下，小祺就好似個睡公主咁瞓係到。不知學翹邊度黎嘅膽量，佢偷偷地將自己個頭移近小祺，慢慢…慢慢….直到兩人四片咀唇緊貼住
 
學翹係小祺唔知道嘅情況下，錫左佢一啖。呢一吻，時間都有點長，而瞓緊覺嘅小祺亦係濛濃之間感覺到有人錫緊佢，佢輕輕打開眼，發現房中得佢兩個人，所以只有佢先會偷錫自己




 
不過因為太攰，小祺帶住笑容同倦意再次瞓著