係同屋室友?定係同居密友?: (S2)01. 住戶證

「Suki，封信妳嘅」學校internal mail文件寄到總部小祺個位
 
佢一打開封信後，入邊係校園事務部發俾佢嘅居住證，而教授幫佢登記嘅係學翹嘅太太
 
小祺見到Wife呢個字之後，塊面都紅一紅
 
「明明拖都未拍，追又未開始追我，咁就做左佢掛名老婆」小祺心中默默講，但係佢咀角又好唔爭氣咁失守左
 
係供應部內，知道佢地兩個係室友嘅只有Roy一個人，而且佢地兩個係學校時，通常只有公事上有接觸，所以供應部之中冇人懷疑佢地嘅關係
 




但係當小祺一返上去總部果時，一眾女同事就會開始啟動佢地嘅雷達，去搜索下有關資料
 
小祺今日食晏時打開disney+黎睇，打開選擇帳戶果一刻，小祺身後嘅Connie立即拎出望遠鏡黎望，個戶口有兩個人，一個係小祺，而第二個就係學翹，於是，佢係notebook上jot低左
 
「Suki妳自己買左disney+呀?」
 
「下…唔係呀，有朋友Share俾我咋」
 
佢地睇下小祺今日個飯盒，有菜芯苗炒牛肉、蝦仁炒蛋。呢d餸係以前係唔會出現係小祺個飯盒之中
 




同一時間，穎雯走落去供應部去睇下學翹個飯盒，結果佢地得出答案，兩個人嘅飯盒係一模一樣
 
消息傳到返總部後，所有女同事都基本上可以肯定小祺同學翹係拍緊拖，仲好大機會同居，只不過佢地兩個想地下情，唔承認又唔否認，大家心照咁解
 
「Suki呀，點解妳唔留係下邊食飯嘅?」
 
小祺聽到其他同事咁問，佢心中都準備左答案，而呢個答案又真係佢心中嘅答案
 
「下邊office冇窗，冇陽光我會好攰，留係呢度有陽光照咪更好」
 




咁呢樣又係真嘅，樓下office好似地底咁，冇陽光，係果到坐耐d都會恰眼瞓
 
一大班女仔依然圍住小祺，不停搵緊線索
 
「Suki妳皮膚好左好多喎，妳搞咩黎呀?」Connie望住小祺塊面問
 
「咁…之前唔太識保養，遲d出席中學同學聚會，都要打扮下呱….」
 
小祺咁樣講，所有女同事都豎起佢地隻耳仔
 
「點解打扮呀?莫非….妳意中人會出席?」大家一個好奸嘅眼神加笑容望住小祺
 
小祺側側頭「嗯….係掛，中學果時暗戀果個男同學」
 
佢咁樣講，立即引黎更多女同事，包括已經結婚果d




 
「Suki妳主動出擊!!!!要出pool啦!!!」
 
「下!!!出pool??我冇諗過喎」
 
「妳唔洗怕羞喎，總之妳肯打扮少少，我地包妳有男仔追」
 
「打扮呀…….我PG D同學帶左我去買BB  cream果d….應該夠啦?」
 
「妳皮膚咁白，一定冇問題!!」
 
是日放學，小祺仍然係出地鐵站後，走到學翹部車上邊，其時學翹同平時一樣，睇緊書
 
當佢地返到宿舍，食哂飯、沖哂涼、等晾衫之時，小祺係房到襯衫
 




小祺打算著佢一貫嘅 t shirt，不過今次著長裙加幼帶涼鞋
 
學翹拎住d衫出黎晾時，就提一提小祺
 
「手袋呢?」
 
果刻小祺恍然大悟，佢漏左手袋呢一part，因為一直以黎自己都係孭背囊
 
於是佢自己去衣櫃中東搵西搵，終於俾佢搵到一個手袋，係UG畢業時交換禮物換返黎嘅手袋
 
「Confirm一次妳果日會上地鐵後通知我去地鐵站等妳?」
 
「係呀」
 
「如果有男仔送妳返黎呢?」




 
「唔….都係坐你車」
 
聽到小祺咁講，學翹個心入邊開心左唔只一下，係好多下