係同屋室友?定係同居密友?: 49. 護膚品

「咩話!!!!!」Rachel反應非常大，當佢聽到小祺講完上星期發生嘅野俾佢知後，差d連佢手上嘅咖啡都差d倒瀉
 
「喂….妳細聲d啦，好多人望住架」小祺低聲咁同Rachel講
 
佢地兩個低聲係到傾，接近咬耳仔嘅程度
 
「咁妳即係同佢同居啦喎」
 
小祺點點頭承認，然後Rachel顯現出擔心嘅一面，擔心嘅唔係小祺同學翹同居問題，而係擔心小祺嘅傷
 




「妳俾我睇睇啦」Rachel見到小祺臉上嘅傷痕都顯得非常痛心
 
「妳阿爸係唔係人黎架?打到妳咁樣，妳仲要俾錢佢地」
 
「咁我俾左錢，可以換黎寧靜…」小祺啜一啖佢杯熱朱古力
 
「但係佢地一定貪得無厭，會再問妳拎錢喎」
 
「到時再諗方法囉…」
 




「妳點還學債呀，妳又要由開始儲過啦…」
 
「咪….借囉」
 
「一係妳問佢借囉」
 
「佢?」
 
「妳室友呀」
 




「都不失為一個方法嘅」
 
「咁好啦，妳而家仲有咩要我幫手架?」
 
小祺立時醒起，學翹叫佢保養下自己皮膚，於是佢就照直同Rachel講
 
Rachel一聽見小祺想保養下自己皮膚後，就立即拉起小祺
 
「喂，去邊呀?」
 
「買護膚品呀」
 
「唔洗咁快呀?去邊度買呀?」
 
「去尖沙咀啦!!!」




 
「旺角觀塘咪得囉!!!」
 
「去尖沙咀銅鑼灣呢d地方好d呀!!!多d牌子揀」
 
一講到打扮，就係所有女孩子嘅天性
 
小祺同Rachel去到海港城嘅化妝品店，雖然只係Kiehl’s，但係化妝品小姐好努力幫小祺設計佢嘅護膚產品
 
「小姐妳平時用開咩牌子嘅護膚品架?」化妝品小姐好有禮貌咁問
 
「呀….」正當小祺諗緊點答果時，Rachel幫佢答左
 
「佢唔用，而家同男朋友同居，所以唔可懶，之前佢連Mask都唔敷」
 




聽到Rachel咁答，化妝品小姐就知要介紹d咩俾小祺
 
「首先呢，妳要保濕先，希望小姐妳唔好介意啦，妳塊面係比較乾，平時係唔係就咁用皂液洗面?」
 
小祺點一點頭
 
「咁所以妳塊面就咁乾啦，首先妳要補濕先」化妝品小姐係櫃到拎d保濕套裝出黎
 
「其實妳天生好白，只要補一補濕嘅話皮膚就會點復光滑，同埋平時都要用磨沙洗面去死皮」
 
「係….但係…我左邊臉嘅胎記…」
 
化妝品小姐睇一睇後微笑「好簡單者，妳個胎記唔算深色，而且用遮瑕液遮瑕膏就可以遮左去。不過妳同男朋友同居，佢應該都唔會介意啦」然後拎出產品俾小祺試一試
 
每當小祺聽到其他人將學翹當做佢同居男朋友時，佢自不然塊面會紅一紅而且心跳加快




 
「另外再加埋枝去班淡白精華，每晚搽少少上面同頸位，好快妳就會皮膚回復彈性」
 
小祺望住呢堆野，佢自己皮膚未回復光滑之前，佢銀包就首先會乾旱，佢諗緊點找數時，Rachel拎佢張VIP咭出黎
 
「小姐有VIP咭嘅話，就會再送多一set保濕旅行套裝同一d試用set，請妳等等」
 
小祺望住檯面呢一Set野，佢就已經煩緊又要俾幾千蚊出黎，到要俾錢時，Rachel同化妝品小姐講
 
「唔該，職員號碼#3389」
 
化妝品小姐跟住Rachel所講嘅號碼入左去之後「折合總共….$1000」呢句說話佢講得好細聲
 
Rachel拎佢張信用卡出黎碌一碌，化妝品小姐再拎多好多試用裝出黎送俾小祺
 




「小姐記住用哂所有試用裝先，因為下個月會到期，呢到俾個樽仔妳將所有試用裝倒埋一齊，多謝哂妳」
 
小祺拎住d護膚品離開後就問Racel「妳係VIP添呀?」
 
「我阿嫂係呢間公司係管理層，佢買野有平，如果唔係，妳我平時點會有咁多護膚品呀」
 
Rachel同小祺買埋BB cream同埋Mask之後，小祺就打電話俾學翹，之後一次過車哂兩個人返屋企
 
Rachel落車後，學翹先發現原來所有野都差唔多係小祺一個買嘅