本來諗住對付班電話cold call, 點知攪到自己爭d無命: 29

好唔容易先喺條短褲袋搵番妹妹仔d護身符，好彩無放落機洗。

霍醫生無講錯，元朗天水圍好多人又變番電話僵屍，之前任務最終得個桔。團隊埋頭苦幹研發新疫苗，我就觀察下邊個有機會係二五仔，但無發現。

但再係咁真係唔掂喎，個地球係咪得咁少人對付d外星人㗎？其實我諗，不如我返番去虛擬世界，打到佢哋大本營，打埋大佬。霍醫生有班機械戰隊，就係現實同巴兩星實體軍戰鬥，兵分兩路。因為我記得妹妹仔講過，個計劃要係咁行，場仗要咁打。

我同霍醫生商量再唔可以咁樣守落去，問有無方法可以去番虛擬世界，但佢都唔知點去，話之前都係靠丁寅星人帶入去，但就無講點樣進出。之後我講番係中槍之前我本來想去番摩星嶺，搵番個山窿，游番入去。霍醫生話個邊已經有大量敵軍，同埋未必搵得到個入口。我個次走出嚟，轉頭真係唔見咗個窿。

不過我又醒起山貝河個漩渦，可能係另外一個入口。之前擔心兩老，但依家搵番佢哋，就放心好多，唯一係驚如果我入番虛擬世界，唔好彩博愛比敵人攻陷咗，就大件事。但唔番去打大佬，現實世界又人丁單薄，我諗點都要返多次去。





霍醫生派咗粒定心丸，話已經生產咗大量機械戰士，部分重有一定智慧，可以獨立思考作戰，雖然話驚AI會有機會勁過人類，但依家都無法子，講真如果一個唔好彩，霍醫生全軍覆沒死晒，個班機械戰士無指令，只會變廢物。

諗住自己一個入番去，但諗唔到Celia想跟埋我去，話有個照應，但我擔心佢唔係咁醒，有機會拖累我。當然佢夠細心就真嘅，同埋如果入到去，試下俾花生佢食，或者幫到佢提升功力。

不過係未真係可以見到小漩渦都唔知，或者返唔返到虛擬世界，講真都係估估下，但點都要搏一搏。

同Celia行過去山貝河，佢好安靜咁唔多出聲，我唯有同佢講下我d野，乘機引下佢講番自己野，原來佢真係做學護，之後被丁寅星睇中，但去虛擬世界過唔到測試，送番現實做後勤，佢都幾可憐，老豆老母離咗婚，一粒女同阿媽相依為命，但無耐撞車死咗，孤伶伶咁一個人，重話未拍過拖係A0。

但我記得啱啱醒番個時，佢都算有d風趣，重話叫我好好保管妹妹仔d毛毛，不過依家佢反而有d拘謹咁，但佢又主動話跟埋我嚟，唔通佢冧我？





去到山貝河又見番堆怪魚，都重係灰色嘅。佢哋無上次咁留意我，好平常咁游嚟游去。我哋兩個坐低睇下會唔會有d動靜，到時跟佢哋走入個漩渦。Celia個樣有d緊張咁，我安慰話有我係度驚就兩份，佢好開心咁笑咗出嚟。

等咗一輪重係無乜動靜，之後有幾隻白鷺飛嚟想搵魚開餐，但班魚原來識放電，d白鷺無諗過係咁，結果死咗都唔知發生乜嘢事。見到呢個情景都開始有d麻木，個d本來係科幻電影先有嘅情節，一日復一日咁係真實世界發生，已經習慣晒。

見D魚攞d白鷺屍體開餐，我同Celia都食少少嘢，順便俾粒花生佢食，睇下有無功效。不過佢除咗話好味之外，好似無咩反應咁。

我哋傾傾吓，突然聽到d好嘈嘅聲音，離遠見到d同上次飛蟻一模一樣嘅黑牆，湧緊埋嚟…………