本來諗住對付班電話cold call, 點知攪到自己爭d無命: 5

我最近心裡泛起一種強烈使命感，想用一人之力去找尋最近香港呢d痴線野嘅幕後黑手。我開咗個YouTube Channel專講呢單野。第一段片諗住拋磚引玉，齋talk之餘重邀請其他巴絲打發表意見。

點知post左成兩個禮拜都無人睇，更加唔駛旨意有人share, like同subscribe 呢三味。

我喺FB開相關題目群組，都係無人加入，之後d發帖重要被人舉報！IG又被人喺咁unfollow。

究竟依家香港發生咗乜嘢事？睇個市面重喺好似好正常咁，個個仍然搏晒命做嘢，D新樓盤平咗即刻有人排晒隊搶購，轉綠燈時架車開慢少少即刻被後面砵，個D街頭MMA片段重係無日無之，起勢咁share。

但對住呢d咁癲咁嚴重影響到日常生活嘅騷擾電話，就個個變晒鵪鶉！喺咪我太過執著，定喺有股太強大勢力，無人有能力阻止？





依家行出街個個唔停咁接電話，大部分人都好似好麻木僵化，木無表情，俾人落晒降頭咁款，好恐怖。我就嚟頂唔順啦！成個人好攰，工都唔想返。

呢d電話林林總總行業都有，但點解無棺材推銷嘅？我就嚟要用個d又唔見打嚟sell！

今日返返吓工條女突然打嚟，佢話d電話痴線到強迫你一定要借錢，唔係就成家一鑊熟咁話，我叫佢報警，佢話個聲大夾惡男sales話你報警都無用，警察唔會理咁話。我問其他同事有無咁情況，但佢哋好似唔多想講咁。

咁我就想睇下警察係咪真係唔會理，我同條女講同佢去差館，但佢只不斷話息事寧人算，重話已經應承咗借錢。

但佢根本無借錢需要！點解依家會變成咁㗎？後尾我老豆老母重落埋叠！咁到時邊個負責還呀？唉！無喇喇多咗筆債！





我依家d電話連訊息已經係廿四小時無間斷，我唔聽電話，d訊息就講到明再唔接就後果自負，咁已經有晒證據啦，我cap晒圖，拿拿淋去差館，但班差佬話未有明顯證據構成恐嚇，只係備咗案算。

出咗差館無耐，收到一個好耐無見嘅朋友what’s app。佢叮囑我唔好攪咁多嘢喎，重話係咁易借少少就唔會有事。我呢個朋友曾經係古惑仔，重係好勇鬥狠打交多過食飯個隻，但佢居然好日唔搵我，一搵就好似其他人咁餚晒底，江山易改，品性難移，上次見佢佢都幾乎郁手打個個唔小心撞到佢個路人，個路人重係高佢成個頭，但佢都完全唔驚，但今次真係完全無法理解。

同埋，點解佢會知我做乜嘅？…………