鏡像密語: 第八章、早安，我的鏡子

命運之神終於伸手捉住綁係梁洛妍同徐亦言身上既命運繩索，用力咁扯左條繩一下，綁係一頭一尾既兩個人頓時感覺到一刻強烈既繃緊感所以兩人拎轉頭回望。

兩個人同時映入眼簾既都係一個清秀既五官，而對方同時都係望住自己。當佢地互相見到對方既個一下，兩個人既心臟都同時漏左一拍⋯⋯




兩個人無論係返工定係放工都keep住whatsapp，係公司只要兩個人一做完手頭上既野就會即刻覆message ，兩個人不時會比對方既message 逗笑，誇張到每隔兩三條訊息就微笑、大笑、甜笑都出齊。

身邊既同事都好好奇洛妍同邊個whatsapp得咁開心，同時又好奇平時好少笑既亦言最近做咩都成日望住電話傻笑。





「洛妍，你笑咩？」sing哥見到洛妍最近有啲反常，忍唔住開口問。

「我？我⋯⋯我邊有笑？」

「咁都冇笑？做咩即刻收埋電話？咁鬼鼠？」

「我邊有鬼鼠喎⋯⋯」
（嘩，你睇你心虛到呢⋯⋯）





「邊個黎嫁？」

「你唔識嫁啦！」

「點會丫？哦⋯⋯我知邊個啦！」

「咩丫咩丫，我唔知你講咩喎！」
（唔係掛，千祈唔好估到丫！）

「唉，洛妍變啦⋯⋯食飯又唔同我食，有野又唔同我講」sing哥心灰意冷左。





聽完洛妍忍住笑意繼續做野，做完就whatsapp返比某個人，分享返呢件事比佢聽。

逐漸兩個人愈行愈近，甚至一起身第一個拎起電話聯絡既就係對方，訓之前最後一個聯絡既都係對方。


「其實依家諗返起，覺得同你相識到真係好奇妙、好奇幻咁。」洛妍主動提起。

「我都覺！」

「估唔到我同你係會熟到去呢個地步」

「我都估唔到，我依家好依賴你」

「你估我唔係咩？」





「你知唔知你已經係我返工既動力？」

「咁啱既？我都係丫！我每日都好期待同你挽，返工放工都會好想繼續同你傾計，我地好似有無窮無盡嘅話題咁，我真係好開心！」

「我都係，真係有太多樂趣，特別係我地都get到對方既點同梗！超神奇！」

「哈哈哈哈⋯⋯超級認同！同埋愈傾愈發覺好多地方我地都好似！」

「我其實真係覺得你係女版既我！！好痴線，同你講野我覺得好似照緊鏡咁！」

「你呢個形容真係好貼切！」
（原來佢都有同感！）

「咁以後你就係小鏡啦！」





「嗯嗯，我係你既小鏡，咁你係咪大鏡？哈哈」

（唔通叫放大鏡咩笑死，咪係呢啲時候搞gag得唔得，正經啲啦）

「都係叫鏡鏡親切啲！」洛妍笑住講：「嗱嗱臨改返個聯絡人名先啦⋯⋯」

「一早改左啦。」

「下？」

「cap比你睇下啦」

「係喎！」
（唔知點解有種sweet既感覺，可能係因為我獲得左一個暱稱，如果佢以後都咁親口稱呼我就好啦⋯⋯）





「係喎，我今日早收工丫！」洛妍醒起一陣3點有野做。

「哦，又去返第二份工呢？」

「嗯嗯，係得你知我另外返補習嫁咋，嘻！」

「你有冇時間休息嫁？」

「我掂嫁啦，唔洗擔心我！」

「你真係好勤力。」

「讚我我會囂，夠鐘放工啦我！」





「Oh 咁聽日見！」

「嗯！」


洛妍放左工之後竟然唔係搭去補習社，反而係去左旺角⋯⋯

「你好，今日想整咩髮型？」

「啊，我想整呢隻色。」洛妍打開相簿show比髮型師睇。

「有啲難度喎⋯⋯你漂過深色，所以呢隻色一整上去會難上色丫，不如揀過另一隻啦！」

「我唔理！我唔制！一定要呢隻，哈哈」

「你咁可愛既⋯⋯好啦好啦，你預要坐4-5個鐘」

「我早有預備啦⋯⋯特登帶埋電腦黎煲劇，放心慢慢整！」

整緊既途中，髮型師見到洛妍個電腦mon問左一句：「你睇緊咩動漫？」

「哦，妖精尾巴，好耐嫁啦⋯⋯」

「以為你係會睇韓劇既女仔」

「我都會，不過應承咗人睇埋呢集！」


耶！苦等4個鐘終於整好個頭啦！真係幾好睇喎隻色⋯⋯

「聽日返工要比佢（地）一個驚喜先！唔知佢（地）中唔中意我個新髮色呢？」洛妍又係到自言自語。


翌日七點

叮——— 洛妍手機收到既訊息：


「早安，小鏡」