〔反政府〕為咗奪權、顛覆，你可以去到幾盡？: 民主女神，東霞

不尋常的香味飄入我的鼻腔，我從空白之中醒來。
 
嗅著。
 
盯著。
 
眼前是個陌生的女生。
 
那是香水的香味？還是體香？
 




「醫生先生，佢醒咗喇。」
 
這聲音似曾相識，是那個在遊行中不見其人，但聲線卻份外嘹亮的女生。
 
「哦，後生仔撞親下，流咗小小血者，點會唔醒？」奇醫生拍了拍我的肩，之後檢查著我的情況，問：「點呀，瞓咗十幾個鐘覺得點？」
 
「冇咩特別……」我很清楚自己在暈倒之前到底發生啥事，於是我向醫生問：「東北發展果到點？」
 
「點會因為我哋衝擊下就撤回咁簡單？係咁嘅話我哋一早做咗喇。」醫生為我檢查著，有些慵懶的道：「不過關卡已經撤走咗，居民嘅行動亦唔再受到限制。」
 




「咁就好喇，至少可以係涼振央嘅手中暫時保護到而個地方。」
 
「我哋……最後嘅戰場一定會係中王睘。聞，你有冇睇過《三國演義》？」奇醫生話鋒一轉，問了個奇怪的問題。100年後仍然有四大名著的存在，所以我點了點頭，應：「有，做咩咁問呀？」
 
「因為醫生覺到我哋而加嘅情況就好似三國果陣咁，我哋組織勢力，反抗，攻下敵人嘅城池，途中會有犧牲，會有加入，會有好多事，而最後我哋就會攻到入首都，攞個皇帝命。」少女替奇醫生解答了我的問題，笑著續道：「簡單啲講就好似玩戰略遊戲咁，一步一步咁佔領全國地圖，到最後打大佬。」
 
「我明你意思，套用返係我哋到嘅話首都即係中王睘，而狗皇帝即係涼振央。」
 
「係。」
 




可是，用「皇帝」來稱呼他是不是有些抬過了這個低票當選，自以為是香江的領導人，但實際上是個只會幫中共舔屁眼的畜生？罷了，但是應該用哪個皇帝才足以形容他？秦二世？感覺好像有點侮辱了秦二世……
 
正當我內心暗自向秦二世道起歉來的時候少女又道：「而我，就係你哋收返嚟第一個武將，我叫東……。」
 
「東霞，人稱民主女神。」
 
青不知在啥時候出現在門口處，東霞尷尬一笑：「青小姐太客氣喇，咩民主女神……邊有咁誇張喎。」
 
或者是見我頭上冒出了問號，所以在旁的奇醫生便道：「民主女神像係標誌住六四事件嘅一件雕像，但後來比解放軍沒收，之後有人做咗個新嘅，今次就比香江公安沒收，當時仲引起好大嘅騷動……就係而個時候有個女學生企出嚟同政府抗爭，雖然到最後市民都拎唔返個女神像，但我哋得到嘅反而係一個活生生嘅女神。」
 
「喔……」
 
我上下打量著東霞，一個為公義和香江而發聲的美少女，難怪會有「民主女神」之稱，而本人也的確很有「女神」的感覺。
 
「聞先生你好似係未來人喎？你話你係2110嘅香江返到嚟2014？」東霞睜大眼睛，似乎對我的事很有興趣。




 
於是乎我仰起上半身，話：「係……對於你哋嚟講可能係好天方夜譚，但我係講真，你想知道啲咩？我可以話你知100年之後嘅香江會變成點。」
 
「好，咁100年後嘅香江變成點？」
 
問題的性質出奇地簡單，但內容卻令我難以闡釋，所以我也用上最容易理解的言詞來為少女解惑。
 
「黑暗。」
 
我不知道這是不是東霞所期望的答案，但我在她的眼中可以看到不安的光芒，那擔憂的視線似乎在訴說著啥。
 
「比而加更黑暗嘅情況……」東霞合上眼睛，沐浴在思海之中：「我想像到，環境一定係好惡劣。」
 
臉上掛著悲傷，我相信東霞應該是很愛香江這個地方，她那副表情彷彿是自己最珍貴的寶物遭到破壞似的，不甘而又無奈，但即便如此也要作出任何反抗，哪怕是一點點被視為垂死掙扎的行為也好。
 




所以，她便用自己那纖幼的雙手來保護著自己的家。
 
100年前的香江人很了不起，雖然稱不上是感動，但我的內心深處確實是起了一陣悸動。
 
「好喇，咁我唔阻你喇，聞先生你休息下喇。」東霞或者是誤會了青是我的女朋友，所以一見到青出現她便很識趣的自動走開。同時奇醫生也將手放在我的肩上，徐徐的道；「我哋而啲老嘢唔擺得好耐，到時候就靠晒你哋啲後生，所以一定要錫住自己……而且，中王睘一定會係我哋最後嘅抗爭地方，係果日之前唔好再亂嚟，抖下喇。」
 
奇醫生的眼角帶有笑意，不過，是無奈的苦笑。