當我同朋友離家出走去左異世界: 第1章 玩出5張奇怪門票
「跌落嚟！跌落嚟！」我望著面前一部推錢機，盯實啱啱投入去嘅硬幣跌落去，發出「卡卡」嘅聲響。
「嘩啦啦」唔知點解，我今日特別好運，玩左十幾個銀幣就有幾百張門票。今次仲跌坐一大堆銀幣，絕對係史無前例。
我低頭望左兩眼錶，發現已經差唔多五點，再唔返屋企就要比屋企隻母老虎鬧餐死。
我拿拿臨將地下啲非全部拎晒上嚟，跟住行去櫃檯前面，攞張某某樂園卡出嚟，張啲非全部入晒落去。結果顯示我有七萬幾積分。
我同櫃檯個服務員講：「請問達到七萬分係咪有獎勵？」我塊面寫著「得瑟」兩個字。的確，積分達到萬位嘅人已經唔多，去到我呢個水平簡直可以話係「人中龍鳳」。
「係嘅先生，呢度換5張「離家出走去異世界」非比你。」我平時成日嚟呢度玩推錢機，機乎個個櫃檯都認得我，但係今次呢位我就位見過。不過我冇多唸，淨係當佢係新職員。
「下？！咩鬼⋯⋯」咩叫「離家出走去異世界」？！我要啲咁嘅嘢嚟做乜！？「可唔可以請你check多次？」我深呼吸一淡，冷靜咁講。
「唔好意思，的確係呢個禮品。先生你唔要嘅話可以留番比其他人，但係依然會扣除七萬積分。」呢啲係咩規矩！？我差啲就爆粗，不過都係強行冷靜，攞走櫃檯上面嘅5張「離家出走去異世界」非就走人。
啊係喎，唔記得介紹我自己添——我叫傅綽希，係香港其中一間Bang1中學嘅高中生兼身高一米八七嘅靚仔。我成日都異想天開，天馬行空，無時無刻都可以發白日夢，最常唸嘅就係同班兄弟一齊離家出走。雖然唔聽書，但係成績都處於穩定狀態，位於全級中高等，而且我自細跟阿爸學跆拳道。總結嚟講，我相貌、身材、成績、體能都符合眾靚女標準。
喺搭港鐵返屋企嘅過程中，我喺通信App嘅「全校最型5兄弟」群組度留言話：「你地聽日放學之後得唔得閒？有好嘢益你地【偷笑】」。我係想聽日放學之後一齊去「離家出走去異世界」嘅非度寫嘅地方——山頂纜車票務處度睇下究竟呢張非搞乜。