你的生日與別人眼中的意義: 藍雨
藍雨
![](https://www.bing.com/images/create/e799bee88081e6bb99e99bbbe5bdb1e4b8ade5bf83e5a496e99da2e890bde89197e8978de99ba8e79a84e5a49ce699af/64c7b66dfb8a4563aef1095a3f7fef6b?id=Q%2fhWDaWeX33I2uoy7nUfrg%3d%3d&view=detailv2&idpp=genimg&FORM=GCRIDP&mode=overlay)
![](https://th.bing.com/th/id/OIG.1n054LE6MP7vPx8k3zJK?pid=ImgGn)
果然如此,大部份觀眾都會等到落幕才離開.「我哋行囉?」我這樣說道,然後我們就步出影廳.當我們想離開戲院去共進晚餐時,這時外面正下著滂沱大雨,而雨勢像沒有減弱的跡象.這種情況即使身上有遮都難以避免濕身,我們不得不留在戲院內的咖啡店等待雨勢減弱才離開!
由戲院外的藍色霓虹燈招牌折射出嚟的燈光,與雨水互相輝映之下外面彷彿下著藍雨一樣.外面空無一人的街景如像時間停頓,一遍死寂,令人略帶憂鬱的感覺.
「妳覺得套戲點啊?我第一次睇嗰陣都冇諗到係愛情片嚟,以為係好單純嘅音樂劇.」
「個故仔幾得意啊,無諗到柯德莉夏萍唱歌都咁掂.」
「好可惜啊,唔係佢把聲嚟㗎,佢真聲唱歌嘅戲得《甜姐兒》,《龍鳳配》同《珠光寶氣》.三套都係愛情片嚟,我諗冇乜人會好似我咁睇呢個經典,就好似《民主萬歲》同《大國民》呢啲咁,好多人就算唔知啲戲講咩但聽到咁耐嘅戲就已經好抗拒.」
「都唔係嘅,至少仲有我陪呢個「女朋友」陪你睇吖嘛.」
「哈,你仲笑我頭先開場前講嘅嘢啊?!都係嘅,嚟得呢道睇電影嘅人都係識戲之人.」
當我聽到她這樣說,有一刻希望她真的是我女朋友,雖然我知道她不會成為我的女友,但旁人覺得我們是就已足夠了.又或者別人會想為何這個靚女會跟這個其貌不揚的男生在一起,大概是兵來吧.不過無論旁人如何看待都好,認識我們的人都會知道我們是朋友,只能是朋友
「嘩,你頭先先飲完咖啡你依家又飲,你今晚唔使瞓㗎?」
「唔緊要啦,聽日又唔使返工.同埋我飲完都瞓到教嘅.」
「咁你有時間不如傾下嚟緊生日我哋點慶祝吖.」
或許你會感到奇怪,為何她會這樣說.你或許會覺得她故意提及自己的生日,想要跟我討生日禮物吧!事實上我們是同年同月同日出世的,可能因為這樣的關係,我們都覺得對方很有親切感,當我還是小學生的時候都有一個朋友都跟我一樣同年同月同日出世,小學畢業後他就移民去了法國,之後我們都沒怎麼聯絡了.畢竟天各一方,大家有各自的生活與忙碌.
不過世事真是奇妙,後來我讀上中學認識到她,以為上天終於都在我人生的劇本中安排了一位女主角,但又有誰會想到她居然不喜歡男生.