你的生日與別人眼中的意義: 票根

她終於到了,我看見她穿著白色恤衫和奶茶色風衣,下身綁著綠色半截碎花裙,腳上穿著啡色尖頭平底鞋,頭髮紮成孖辮.她的穿著風格非常日系和清新,感覺春天即將來臨的感覺.對比之下,我與她在一起有些格格不入,我只是穿著深藍色夏威夷恤衫,外面罩了一件黑色飛行外套,配上牛仔褲和波鞋,髮型普通兩邊剷青.
其實我都已算有打扮過,這樣做都是希望不會失禮她,要是我獨自來看電影的話,我會更加隨意,就普通T-shirt牛仔褲便算!

「你揀咗套咩戲呀?」她滿心期待地問道

「嗱,呢套囉.係咪正嘢呢!你之前講過話想睇,我有記住㗎!」此時我秀出兩張《窈窕淑女》電影戲票

「算你啦,你都幾細心.」

「咁我都唔係淨係為咗妳嘅,我係萍姐fans嚟㗎嘛,知佢套戲重映點能夠執輸!加上你又鍾意睇音樂劇!」





「嘻,「萍姐」,你講到成件事好老土啊.」


我微笑住點一點頭,然後拎住我手上的戲票給戲院職員等她撕下餘下的票根,然之後一步一步行進影廳.

「我都唔明你點解咁鍾意坐到K行咁高嘅,仲要邊邊位添,呢場又唔係多人睇喎.」她抱怨地說道

這是純粹個人偏好,面對她這樣說我不知如何回應,只能聳肩手勢以無奈的表情去表達當刻的心情,然後坐上我們的座位.





我已經忘記為何有這個偏好,或者源自於第一次撘飛機的經驗?我已經不知道了.或者我內心是知道的,坐在邊位比較不會被遲到的人阻礙自己,即時完場後要走也不會阻礙仍然坐著的人,要知道這戲院有別間戲院沒有的現象,他們都喜歡坐到片尾名單完全播映完畢才會離開,應該是出於對電影製作人的一份尊重吧.

距離開場時間還有5分鐘

「妳需唔需要去個廁所啊,扣埋前面廣告時間仲有啲時間喎.」

「唔使啊,我今日都冇乜飲過嘢.你唔需要咩?你啱先至飲完杯咖啡喎.」

「我好腰好腎好男人嚟㗎嘛,點會話飲一杯野就要去廁所㗎!」

「好?要試過至知.」

「你試唔試吖?我女朋友個位一路都請唔到人...唉,唔講住喇,開場喇!」

電影放映中..................