【愛情/奇幻】《只能用餘光看見你》第二部曲:暗戀的餘光: 30
昏暗的小黑屋中，常日羲躺在毛月永身體前，兩人一同看著電視螢幕，裏頭播放著《死神來了》，聽著尖叫聲與驚悚的懸疑背景音樂，兩人昏昏欲睡。
「睇其他啦，呢套嘢好無聊。」常日羲沒精打采的說著
「如果真係要索命，唔使搞咁大陣仗，只要輕輕一推……」毛月永彈了一下桌面上的麥提莎，它隨即緩緩滾動掉在地上「……佢就會自己遵從因果，遵從佢哋嘅命運……」
常日羲眼見麥提莎即將掉在地上連忙開口「喂呀!我要食㗎!」毛月永隨即用靈力拯救那顆麥提莎，並將它緩緩飄到常日羲嘴邊。
「死亡唔可怕，永遠嘅分離先至係真正可怕。而凡人總係搞唔清楚兩者……以為佢哋係同一樣嘢。」毛月永按著遙控選擇在其他電影
「我覺得，永遠先係真正嘅可怕。」常日羲眼神露出一絲憂鬱
「但係你當初都肯應承。」毛月永輕輕摸著她的頭
「因為同你一齊，就唔可怕。」常日羲感受著他凡人之軀的心跳，輕輕微笑「不如，出去行下?」
毛月永點點頭後，兩人打開家中大門，踏步出去是一片星空，一陣海風吹來，兩人站在荒廢的燈塔上，聽著下方海浪的拍打聲。
常日羲單起雙眼手指著天上的星星，四處尋找「牽牛星……牽牛星係邊粒?」
「已經唔重要啦，都過咗去。」毛月永沒有抬頭，而是看著那無比漆黑的大海中央。
「好有紀念價值㗎嘛，趁佢仲喺度，我想望多幾眼。」她一直苦苦抬頭不斷尋找。
「塵世嘅嘢又何必咁留戀。」毛月永眉頭輕輕緊皺
「唔係你，我點會咁在意塵世嘅嘢?」常日羲攬住他「自從落咗嚟之後……你就有啲唔妥，你係咪有嘢瞞住我?」
見他沒有回應，常日羲再開口追問「係咪關於你放咗佢哋兩個嘅事?」
「我應該要放走佢哋。」毛月永挪開她的手，走到燈塔另一方後便消失不見。
一瞬間獨自來到某個高樓的天台，俯瞰下去，眼前人來人往的街道，流動的軌跡有點像忘川河裏頭不斷遊蕩的血蟲。
「敢作惡者，永不超生。」毛月永俯視著奄奄一息的兩道魂魄，隨著自己的靈力推落到污濁波濤的忘川河中，這時卻有另一道身影從餘光走近，奮不顧身的跳進河內。
耀眼的一道光飛過，無比熟悉的靈力將三度道魂魄撈起，毛月永回頭帶著一點震驚「點解要救佢哋?」
常日羲沒有回話，專心嘗試救助那兩度即將消散的魂魄……
「你咁樣係破壞緊規則!」毛月永開口說著
「我自然會接受天罰，你唔使替我擔心。」常日羲與毛月永一言一句，加上剛才鬼差亡靈的注視，這小小騷動惹來了那個祂。
「垃圾神，淨係識亂咁玩弄我哋呢啲人嘅命運。」其中一個奄奄一息的魂魄開口
常日羲專心一意嘗試救助眼前的魂魄，但無論怎樣灌輸靈力，兩人的魂魄消散的速度越來越快「我有方法可以救到你哋……」
「你哋好似做緊啲好得意嘅嘢喎。」一把懸外之音響起，兩人停止了爭吵。
毛月永被現實樓下汽車的響咹聲打斷了思緒……片刻後，樓下便傳來吵罵聲。
「接受完懲罰，好快我會返嚟搵你。」常日羲被剝奪了神力，思緒變得迷離，踏步跳進一團不斷跳動的光球，進入到凡間。
可是未等幾秒，那顆光球卻逐漸趨於穩定，無數的光線變得有序，逐漸光球成為了一個冬甩，毛月永馬上意識到大事不妙「因果劫……」
他立刻轉頭看著旁邊的祂，祂似乎在沉思著，一團黑沉沉的毛線球從腳邊滾過，毛月永放眼看去，毛線堆積如山，那是一個又一個死寂的荒地。
果然，祂的懲罰，不會那麼簡單。
「但係點解會有因果劫……唔通係因為……佢嘅法術……」毛月永冒出冷汗，注視著人間，按理來說，陷入因果無限循環的世界，祂便會出手將它化為虛無。
毛月永生怕祂忽然做什麼，連忙開口說著「我會修正返錯誤!帶佢哋兩個人返嚟!」
祂思考了一下，直視毛月永靈魂深處，露出一副詭異的笑臉後開口「好呀。」
毛月永又謹慎的問「咁可唔可以……分自己嘅一半神力畀佢? 」
祂提醒道「你肯定? 分出去之後你哋兩個幾乎唔算是鬼神，當深陷漩渦之中……稍一不慎，莫講解結，自身都難保。」
「肯定。」毛月永堅定的回答
祂再次發出詭異的笑聲「有趣，好吧。」
毛月永來到凡間，在一個孕婦的肚中注入自己的神力，同時蹲下身對著體內的嬰兒說道「因為我犯錯被貶落凡間，你係落嚟陪我，輔助我完成任務。」 毛月永在灌輸神力當中，植入一段虛假記憶。
隨後自己亦以凡人之身投胎，由在嬰兒時便開始思考對策「要最低限度影響呢個世界，最少改動接觸佢哋……」
現實的喇叭聲一直響個不停，鍾婉恩的老爸在安靜的坐在駕駛座，等候著前方司機吵架而堵塞的馬路。
「爸爸乜嘢係冚家……」妹妹正要說出口的時候，易天恆捂住了她的嘴。「呢個字唔講得㗎!」
「點解呀?」
正當易天恆思考的時候，劉世檜率先用他身體發話「呢句係一句邪惡嘅咒語，好容易會吸引到壞人攻擊你!」
妹妹兩眼放光，彷彿聽見不得了的東西，劉世檜接著開口度「我仲知道一個流傳至今，會令到咁多人鍾意嘅咒語!你想唔想知?」
「係咩呀係咩呀!?」
「就係……唔該!就好似人哋祈禱咁，最後尾都會講阿門。如果人哋幫咗你，你同人哋講唔該，就可以得到祝福。」
「知道喇，唔該!」妹妹雀躍的接着說「唔該!唔該!家姐唔該你!」
坐在前座的鍾婉恩露出一絲疑惑「做咩無啦啦同我講唔該?」
「因為我要祝福你!要你快啲好返。」妹妹的童言童語，讓車內的每個人內心也抽搐了一下。