【愛情/奇幻】《只能用餘光看見你》第二部曲:暗戀的餘光: 29
見到後他輕輕上了易天恆身上，彎低腰幫忙撿起地上的紙張，無意中留意到其中一張紙上寫著生涯規劃。
劉世檜將手中的紙張輕輕貼齊，站起身來，走到鄰桌將紙張遞還給男人。男人接過紙張的手稍微有些顫抖，他看起來有些緊張。
「麻煩曬」他拿起筆，繼續畫著那張印著名字的紙張，筆觸間流露出一絲焦慮的情感。
片刻後，男人接聽了數個電話，聽語氣似乎是公司下屬的電話，劉世檜偷偷看一眼鄰桌，男人似乎又焦躁了許多，他的眉頭緊蹙，表情變得越發焦躁。
手中的筆越握越緊，男人似乎寫不出墨，開始不斷地在公事包內尋找著什麼……
「你係咪要筆呀?不如我借畀你?」聽見他的說話，男人停止了翻找。
劉世檜坐到鄰桌，有點好奇的問「我見你寫咗好耐，頭先唔覺意睇到你其中一張紙……你喺度寫緊咩?好似好苦惱咁。」
男人輕輕一笑，語氣中帶著一絲幸福和焦慮「我老婆今日生，但係好多嘢都未決定好。」
「決定?」劉世檜疑惑的問
男人從公事包拿出一整疊紙，驟眼看裏頭的字都密密麻麻「我仲未決定好佢個名，之後讀咩學校，要學啲乜嘢。」說罷便遞出來。
劉世檜看著這疊紙，其中一項是截至18歲前的營養分配餐單，心中已經覺得這人有點不正常，感覺就是超強控制慾的怪獸家長，然而他並沒有表現出來，只是開口說「你都諗得……幾仔細喎。」
又一個電話的鈴聲刺耳地響起，男人再次不耐煩的接聽，聊了一陣子後才再次收線「你見啦，我冇時間睇住佢，但係都想畀最好嘅嘢佢。」
「人的確最缺時間，但係有曬計劃係唔係就係最好呢?」劉世檜這個問題，同時間亦是問著自己
「我見你坐咗喺度好耐，你都係等緊人?」男人開口問
「我個朋友，癌症，等緊佢定期檢查。」
男人的目光變得有些深沉，細心觀察著他 「你睇落好後生咋喎，中學生?你嘅朋友都……」
「佢同我同年，有時有啲嘢就係咁無可奈何，意外面前再多嘅準備都係徒勞……」劉世檜無奈的一笑
男人細心地聆聽著，默默地思考著劉世檜的話。接著，他抬起筆，默默地寫下一系列字句在紙上「但至少可以減少意外發生嘅機率，注意致癌物質，電話輻射，定期身體檢查……」
「但係咁樣佢會開心咩?」劉世檜看著密密麻麻的文字，發自內心地問「如果係你個細路即將離開，你有機會救到佢……但係佢可能要攤喺張床度受苦，點先算為佢好?」
「拔管?吊住佢條命?」聽到這樣的疑問，男人的思緒陷入了沉思，他的眉頭輕輕皺起，他的手中的筆也停下來。
他靜靜地凝視著劉世檜，似乎在思考著她所提出的難題，而這個問題也觸動了他內心深處的某個角落「你咁嘅年紀會諗啲咁嘅嘢，都幾特別，係你嘅話，會點做?」
「我覺得……我沒資格決定點做，而係佢想點做……」劉世檜拿過他手上的一張生涯規劃紙
「每個父母都想仔女好，但係點為之好?生死本來就唔應該有其他人控制，宜家電視咪好多怪獸家長……你覺得對佢好嘅，對佢嚟講只係推佢去死。」
「每個人最後都係會死，至少喺活著嘅過程中，活著得開心，係咪?」劉世檜看著他疲累的臉孔「你應該係唔知咩公司嘅經理或者更高級吧? 點都畀我呢個中學生聰明多。」
「但係有時諗嘢唔使咁複雜，可能最簡單，你想生活得點樣? 就改啲咩名畀佢……」 劉世檜又看著那一張不斷被畫走的名字列表。
「有新生命出生，至少呢一刻開心就夠，有時唔使諗到咁複雜，活在當下呀嘛。」
「你個BB，佢唔係機械人又唔使輸入程式，程序。跟住你嘅規劃，之後佢可能會好成功，但係咁嘅人生…佢真係會開心?」
「與其苦惱呢啲嘢，不如望下個天，調整自己心情好過……」
男人沉思了一會「我會認真諗下，傾完偈好似冇咁焦慮……多謝你。」
「我多謝你就真，我諗……我都應該知道我想點。」劉世檜最後一句喃喃自語說著
又再過了一會兒，鍾婉恩檢查完了，回來食堂叫醒易天恆，一起坐著他老爸的私家車回校，劉世檜全程沉默不語，只是偶然偷看一下鍾婉恩。
那個男人，在醫院睡了一晚，翌日清晨，他的妻子順利分娩，一道柔和的光線透過窗戶灑在一張白色的床上，映襯著病房中溫馨的氛圍。
一名年輕的女子緊緊地握住她丈夫的手，她的額頭微微帶著汗珠。而在她的懷裡，一個嬰兒被溫柔地包裹著，正在發出微弱而有節奏的啼哭聲。
旁邊的男子眼眶也紅了，他輕輕地抿了抿嘴唇，難以抑制內心湧現的情感。輕輕撫摸著妻子的頭髮，溫柔地說道「辛苦你喇。」
女子的臉上露出幸福的微笑，她溫柔地看著嬰兒，輕聲說道「係呢，你諗成點?」
男子注視著手上的名字名單，依然猶豫不決，這時他看著窗外，從玻璃的倒影看見自己久違的笑臉。
他又看一看那張紙，忽然將它撕成一半，女子疑惑之際，男子輕輕地抹去女子臉上的汗珠，獨自看著窗外的藍天白雲「今日真係好好天……」
「佢唔係機械人唔使輸入程式，程序。」劉世檜的聲音在他腦内想起。
男子露出一個微笑問道「你話佢叫余程天……好唔好?」