【愛情/奇幻】《只能用餘光看見你》第二部曲:暗戀的餘光: 27
我坐在飯堂百無聊賴的等候，劉世檜坐在對面托著頭，一直呆看著窗邊那藍天白雲。
沉默良久後，劉世檜忽然開口「佢會死……係唔係天注定?我哋會唔會有機會救到佢?」
「你仲敢提?係你嘅選擇……」我停頓了一下，視線移開到旁邊的白色桌子「係我哋嘅選擇……我哋都揀錯咗。」
「所謂命運只係概率加上特定事件嘅結果，天意只係啲蠢人信嘅嘢，如果有一條特定公式每個人都可以預測到未來。」
「就算知道咗未來係點，一個普通人真係可以改變到咩?」劉世檜依舊望著白雲，思緒隨著這句話回到去當初天后廟的時候。
一籌莫展的劉世檜因應廟內老頭子的說話，順道朝著廟內的天后像跪拜「天后娘娘，天后娘娘，天后娘娘……我好需要你指點迷津。」
再次睜開眼的他，察覺到身後的門不知何時已然關上，儘管控制著肉身，作為靈體的他敏銳的察覺到房間中有些不對勁。
這種不對勁不是詭異驚悚的感覺，反倒是有種平靜安祥的氣氛，廟內的香燭微煙朦朧的籠罩整個房間。
「活人?」一道女子的聲音在旁邊傳來，聞言的劉世檜轉頭看去，不知何時身穿紅色旗袍的女人站在了門口。
劉世檜認得了那張面孔，連忙起身說道「林姑娘!?我有啲緊要嘢搵你!」
林姑娘側側頭，目不轉睛的看著他「我哋見過面?我無咩印象識得你喎……同埋你點入嚟㗎?」
劉世檜對這個問題充滿疑惑「……行入嚟?」
林姑娘眼也不眨，掃視著他全身，隨後流露出一個意味深長的微笑，緩緩走過了他，隨後站在供品台前拿起一個橙，自顧自的吃了起來「所以你搵我做咩?」
「你……咁樣好似唔係咁好……你唔驚佢唔高興咩?」劉世檜看著她手上的橙又看看上方的天后娘娘像。
林姑娘摸一摸天后娘娘像，隨後玩味一笑「自己食自己啲嘢有咩問題?」
劉世檜聽到這個回答呆滯在原地，有些不肯定的追問「你係……天后娘娘!?」
林姑娘繼續吃著手中的橙問道「叫我林姑娘得啦，反而我想問你係乜嘢? 點睇你都唔似係一隻普通嘅鬼。」
「你真係唔認得我，我之前搵過你㗎!……應該係話……之後。」劉世檜重新組織著語言「我係臨死瞇埋眼，擘大眼就嚟咗呢個身體度……」
林姑娘聽到他的回應，放下了手中的橙，頗有興趣的走近，更加專注的看著劉世檜。
被四目相對弄得有些尷尬的他，連忙轉開視線接著說道「你嗰陣仲講咗一句……欲知……」
林姑娘同一時間說出「欲知前世因，今生受者是；欲知後世果，今生作者是。」
劉世檜從祂眼神中感到一些端兒，林姑娘眼神越來越困惑，幾乎沉默盯著他看數分鐘之久，當他想要發話，又被嘘一聲打斷，只能尷尬的站在原地不敢挪動半步。
良久後，林姑娘緩過神來，雙手輕輕一拍，兩人身後的大門忽然被打開，劉世檜回頭一看發現外頭並無異常，可是還繞在週遭的那種奇怪的氣氛卻消失了。
「歡迎返嚟現實，陪我出去行下。」林姑娘未等他回應便慢慢走出廟外，來到大樹旁的木長櫈坐下。
「天……林姑娘，其實我今次呢係想你幫我……」劉世檜站在他面前身子微微前傾，林姑娘示意他坐下，手中拿出了兩支籤文「係關於呢樣嘢事係咪?」
劉世檜馬上記起，這個是秋淑儀來求的籤，林姑娘繼續說道「呢個姑娘一直幫佢朋友求籤，神奇嘅係無論問幾多次，跌嘅都係呢兩支籤。」
「我頭先睇到曬，佢嘅朋友，同你想救嘅人應該係同一個吧?」林姑娘輕輕一笑
劉世檜目光停留在兩支籤「佢想問啲乜嘢?」
「佢想問嘅係，佢朋友嘅願望會唔會實現……但係個姑娘心入面諗嘅係，佢個病會唔會惡化……所以不斷出呢兩支籤。」林姑娘遞出兩支籤給他
「病!?」劉世檜驚訝地問
「你想救嘅人，患上咗在不治之症，已經命不久矣。」林姑娘看著頭上的大樹
「咁樣呢兩支籤係講乜嘢? 鍾隨……鍾婉恩佢嘅願望係乜嘢?」劉世檜低頭看著兩支籤
「佢嘅願望會唔會……係想搵到佢講嗰個人? 一隻綁武士頭嘅鬼靈……佢愛嘅嗰個人……」
「我點會知佢心入面諗咩?我冇咁神通廣大……最多我可以幫你解下籤。」
我靜靜的聽著籤文內容，兩支都是下籤，第一首籤詩是
「歡娛變作禍胎懷，家道蕭條百不諧，門裏添心又未下，犬生三角又還來。」一時的好景，卻變成禍害的來源。家道中落，各種事情都不諧和，最後無中生有的壞事，又不斷來回著。
我問著這籤關於愛情的見解，林姑娘只是說了一句「愛情分與合都是困擾。」
我又再問著關於健康疾病的見解，林姑娘再次簡單說一句「不正確的醫療方法，往往讓病情更惡化。」
第二首籤詩是「春到園苑是追遊，一曲笙歌一曲愁，好事轉頭成惡事，提攜二美到牽牛。」這首詩的重點是原本沒事，一時心愁尋樂，結果反而愁更愁。
「提攜二美到牽牛……」二美……帶著這兩個東西，反而成為包袱，難道是說我還有易天恆嗎。
「牽牛……什麼意思?」林姑娘沒有回答我的問題，繼續解答關於愛情與疾病的見解
「原本是單身，一個人自由無事，當有了愛情之後，反而哀愁又苦惱」
「疾病見解的話就是，這個疾病，由於採用某個療法，結果反而使病情惡化了，若欲治療此病，只要心情開朗即是解藥，或者修行就能治病。」
劉世檜默默說著「呢兩支籤……講嘅嘢咁似嘅。」
「咁你咪唔使諗邊支籤係邊個問題囉。」林姑娘停頓片刻繼續說道「你似乎仲有啲猶疑，就算睇完啲籤……你都仲諗住救佢?」
劉世檜陷入了沉思