【愛情/奇幻】《只能用餘光看見你》第二部曲:暗戀的餘光: 10
情侶一對一對的離開，毫不忌諱地說著剛才的劇情，忽然有隻手從後搭著我膊頭，回頭看去是毛月永師兄，寒暄數句後，他緩緩說出 「頭先你哋睇唔到結局真係太可惜，啲鬼靈真係唔可信，女主角差啲畀佢害死咗。」毛月永這句說話總感覺另有玄機。
「係呀，呢個送畀你呀。」毛月永遞給我一條吊墜項鍊，是一個刻印著許多文字的銅黃色圓形古幣。
常日羲補充道「係我之前啲手信，你哋每一個都有㗎!」
言行間他已經把項鍊掛在我身上，碟仙沒有像以往一樣，以他的性格應該會在我耳邊碎碎念反駁著他的說話，可是現在他出奇的安靜。
「好啦學校見啦!拜拜」常日羲他們轉身便離開。
奇怪……有種昏昏欲睡的感覺，明明早上才喝了咖啡
「碟仙?」他沒有回應
鍾婉恩傳來訊息「不如你走先啦。」
「唔使，你慢慢，幾耐我都等。」我淡淡打字回應
我抬頭看一看天花，繼續打字「你真係冇事?差啲以為你暈咗喺廁所，使唔使我搵職員入嚟幫你?」附上一隻貓咪驚訝的表情貼圖
不到一會兒，我電話傳來她的來電顯示，她細軟聲音從電話另一頭傳來「我真係冇嘢，話說你頭先嗰句終於冇咁似一嚿木。」
「果然睇完電影，即刻學到啲嘢呀~」她聲音帶著笑意
「可惜我哋都睇唔到結局，講起上嚟，好似好耐都冇喺電話聽過你把聲。」我挨靠在某個清冷的角落
「哦……你咁講好似係，我哋對上一次傾電話係……」她似乎在思考
「小五小六嗰陣。」我說著
「呀……」
「跑online」我們異口同聲說著
「嗰陣我哋會一邊傾住電話一邊玩，明明本來我就唔打機嘅。」我輕笑一聲
「你仲專登課金買咗隻戒指添。」她附和笑笑
「嗰個帳號而家可能仲係結婚狀態……」停頓片刻後，我鼓起勇氣開口問「如果當時我唔同你告白，我哋關係會唔會有唔同?」
電話另一頭變得沉默，等待良久後她才吐出四個字「時間唔啱。」
「我哋嗰陣只係小學生咋，現實世界容不下美滿嘅想像，承諾一生一世係人都識講，但係你嗰陣根本唔明愛係乜嘢。」
「呢樣嘢我唔否認，但係如果而家……」
她似乎知道我想說什麼，打斷了我說話「唔好執著呢啲嘢，而家咁樣唔好咩?」
我手握著那個古幣，無可奈何的附和道「係嘅……嗰陣仲手抄歌詞當做告白禮物……」想起那件荒唐的事，我自己忍不住輕笑了一聲。
「嗰份歌詞我仲保存得好好……雪國那裡有花開過嗎~還是世界太冷了開不了吧~」她唱著雪花抄，當年跑online少女們必然會聽著的歌曲。
不知為何，她的歌聲竟讓我流下了一滴淚。
古幣閃爍了一下光芒，易天恆不知不覺坐在地上睡著了。
那是一個飄著微雪的冬天，大院中傭人在清理著積雪，屋內傳來兩名小孩的聲音。
小男孩拿起家中的照相機說著「你知道嗎，祖父都覺得他們會攝魂。」
「真的好神奇，這樣就可以記錄下來嗎?」小女孩貼著他的肩膊，仔細的觀察照相機。
「你要不要試玩一下?」小男孩看著眼睛睜得大大的女孩說著，這時窗外便有一個雪球飛襲而來，正中小女孩的後腦。
「鍾慕雪知我厲害了吧?」有另一位小男孩爬上外頭的圍牆上叫囂著
「劉千山!你真的很幼稚!」儘管如此她臉上卻是充滿笑意……
未等他繼續開口，鍾慕雪已經跑遠，拿著相機的小男孩想要追趕，走到門外卻寒風刺骨，未多走幾步已經咳嗽數聲。
「易雁少爺，別走出來，你身子弱。」傭人擋在了面前，他只能眼睜睜的看著女孩走遠。「啲鬼靈真係唔可信，女主角差啲畀佢害死咗。」毛月永剛才的說話，刻印在我的腦海中
「好奇怪，我係咪妒忌緊一隻鬼?」易天恆在朦朧的夢中清醒了一刻
他睜開雙眼，緩緩站起來，居然睡著了……
鍾婉恩微微烏低身子「要你等到瞓著真係唔好意思。」她剛才沒有叫醒我，只是一直在旁邊等候，我似乎睡了十多分鐘。
「返去啦。」 我微微一笑，回家的途中我翻開她給予我的書籍，今天餘下的時間我便坐在房間的書枱，專心的修稿。
「喂，你呢段原本想表達咩?」碟仙像之前力竭一樣，沒有回應。
直到深夜我在廚房用微波爐叮著「波仔飯」，站在垃圾桶前用最快的速度吃完。
吃完後，飯盒隨手一掉，餘光卻看見垃圾桶中有個眼熟的東西……
我蹲下身翻找，在充滿廚餘的垃圾桶中，找到了一張幾乎一模一樣的電影戲飛。
只是時間是……昨天。
出於好奇我開了手機看對話紀錄，這幾天碟仙或是我也會跟她在劇本上交流，然而昨天與他的對話，異常乾淨。
整整隔了一天，我再打開學會群組，明明他們昨天也有在討論劇本，理應私訊也會有一些修改建議之類的……
「好想知點解……」我坐在床邊脫下古幣項鍊，放在枱頭。
「我係咪瞓著咗? 大癲，原來鬼都會眼瞓……」碟仙的身影隨即出現在眼前。
我馬上盯一眼項鍊，隨即便放空腦袋，以免被他測到我的想法，古幣項鍊似乎可以壓制著他，這件事之後再測試吧。
「係呢，你尋日同佢去咗邊度?」我輕輕一問
「尋日，冇呀，去咗做自己嘢。」他回答得非常乾脆
我輕輕把古幣項鍊放在手上，在心裏默念著「碟仙，碟仙!!」
「唔知點解忽然又覺得有啲攰……」他在一旁打著哈欠。
我再次輕輕放下古幣，在心裏默念著「碟仙」
「咩呀?」 「冇嘢喇，到我瞓覺。」我鋪好床鋪
「講起上嚟畀呢個邊度嚟㗎?」他指住檯面的古幣
「毛月永佢哋嘅禮物。」
他看著古幣停頓了一下「佢仲有冇同你講其他嘢?」
「冇，瞓覺」我倒頭就睡，但這件事我始終揮之不去，早上換好衣服的我默默戴上古幣項鍊。
臨近學校門口時，鍾婉恩蹲在一旁公園的草叢邊，似乎低頭看著一隻黑色的小貓，她背對著我，是在餵小貓嗎?
當我即將走到她身旁呼喚她的時候，她輕輕回頭「我睇緊啲花草咋嘛……貓?冇呀。」
她用手輕輕拍拍裙子上的塵土，站起來，身姿優雅。「我尋日畀你睇嘅書，睇咗未?」她問道，眼中透露出期待。
當我還未回應，她已經走過了我，朝著學校的方向走去「有，已經睇咗一本……係呢，我想問下前日嘅事。」 我的心跟隨著她的背影而跳動，想要追上她。
聽到我的回答，她停下了腳步，轉過身來「喂，你咁都唔記得?」
「我嗰日喺出面同你傾緊啲咩話?」我裝作忘記，只是想知道那天他是不是也跟我出過去了一次……
「嗰日?」她漸行漸遠「我係尋日同你睇戲喎，下星期約咗去取材呀嘛，群組咪講咗囉。」
「係呀……」是我多慮了嗎，我低頭摸一摸古幣頸鏈「講起上嚟，我而家仲係對碟仙……一無所知。」