每一次扑嘢，都係一場死亡挑戰: 番外篇（9）

「班怨婦殺到嚟啦！快啲走啊！」

一個揸住小號嘅男人亡命奔跑，經過我同Vincy身邊嘅時候，停低好心勸我快啲走。

佢係其中一個管弦樂團嘅成員，所以認得我。

「怨...怨婦？」

「係呀！『怨婦聯盟』嗰班癲婆家下到處剪人條jer同強姦男人！佢地仲好似識法術咁，一掂到人嘅膊頭，就會令到嗰個人唔郁得！」





照咁睇嚟，呢班怨婦九成係得到咗魔鬼嘅靜止之力。

呢班女人憎男人憎到恨之入骨，結果受到魔鬼嘅誘惑，依家就利用靜止之力到處報復男人！

「此地不宜久留，我走先啦，你自己執生！」個男人揸住小號，向住我地身後嘅方向快速逃走。

呢一刻，喺中環碼頭以及海濱長廊一帶，有三、四百個身上散發住強烈怨念嘅女人，露出猙獰又兇殘嘅表情，一見到男人就衝埋去。

「你班男人唔好走！我要剪斷你地碌嘢！」「全部靚仔都要俾我搞！」「你地一個二個走唔甩架！」





呢班怨婦好似一堆喪屍咁聯群出動，睇得上眼嘅男人佢地就強姦，睇唔上眼嘅就切jer jer。

Vincy眉頭緊皺，感到不安：「睇嚟呢度好危險，Tony我地都係快啲走啦！」

「下？但係...」

「仲講咁多？走啦！」Vincy拉住我急急轉身逃離現場。

啱啱我之所以會有猶豫，原因係我仲諗住求婚嘅事。





如果唔係發生啲咁嘅事，本來我已經同Vincy求咗婚。

唉！悉心安排好嘅求婚戲碼，居然咁樣就俾班怨婦扠喎咗！

家下求唔到婚不得止，仲要好似大逃殺咁俾班癲婆追殺。

我同Vincy手拖住手，喺行人路上用最快嘅速度向前跑。

點不知突然之間，有個大隻佬掛住跑唔睇路，從後一嘢撞跌咗我。

條友sorry都無句，直接掂行掂過跑走咗。

我成個人仆咗落地，手腳擦損咗，而且放喺褲袋入面嘅戒指盒跌咗出嚟。

Vincy第一時間扶起我，跟住再執返起隻戒指。





對方望住隻戒指，露出驚訝嘅表情：「呢隻戒指係…？」

咁嘅情況之下，我都無辦法再隱瞞：「其實，我今日原本喺諗住向你求婚，本來所有嘢都準備好曬，點知無啦啦發生啲咁嘅事，搞到我想求婚都求唔到…」

「剪賓周！剪賓周！剪賓周！」

喺呢個時候，有兩個肥婆一邊哼住歌，一邊揸住較剪行埋嚟。

「咦呢條仔ok，不如啅咗佢？」

「哈哈，好喎！」

兩條肥婆收埋較剪，望住我露出發姣嘅表情。





佢地一前一後，用龐大嘅身軀包圍住我同Vincy。

只要佢地一出手掂我，咁我就會唔郁得，到時佢地切我條jer又得，剝曬我啲衫衫褲褲污辱我都得。

「喂！你地兩個唔使旨意掂我條仔！」Vincy為咗保護我，竟然主動出手，

佢衝埋去想推開兩條肥婆，可惜都未埋到身，嗰兩條肥婆就一人一腳直接將佢踢開：「死八婆，咪撚阻頭阻勢啦！」

Vincy成個人彈開到兩三米咁遠，向後跌咗落地。

「Vincy你無事呀嘛！」

「喂哥哥仔，你想去邊呀？」

「係囉，你走唔甩架啦，乖乖地唔好郁啦。」





嗰兩條肥婆擋住條路，唔俾我過去扶Vincy。

佢地前後夾擊，越行越埋。

我唔敢推開佢地，因為只要一掂到佢地，咁我嘅身體就會立即靜止。

想走又走唔到，反抗又反抗唔到，唔通我真係要俾呢兩條肥婆老強？

本來我都幾乎打定輸數，但估唔到喺緊急嘅關頭，Vincy並無放棄，再次出手！

佢被推咗落地之後，好快起返身，然後見到路邊有一架手推車。

生死關頭，佢唔理得咁多，雙手推住架車仔，從側邊用力撞向我面前其中一個肥婆：「走開呀死肥婆！」





架手推車係用鐵做嘅，上面仲有一棟裝有貨物紙皮箱。

堅硬嘅物料再加上貨物嘅重量再加上嗰個衝力，咁樣撞埋個肥婆度，直接一嘢就撞冧咗佢。

而喺我身後另一個肥婆，想撲埋嚟擒住我唔俾我走，好在Vincy出手夠快，向前一手拉走我。

嗰條肥婆隻手hi到我件衫嘅衫尾，爭少少就掂到我。

之後我同Vincy全速前進，成功擺脫咗兩條肥婆。

只不過危機仲未解除，嗰班怨婦依然遍佈四周。