每一次扑嘢，都係一場死亡挑戰: 85

一個星期嘅時間，眨下眼就過去。

呢一日終於嚟到我同Vincy約會嘅大日子。

講真，我成世仔都未試過好似今日咁緊張。

而我咁緊張嘅最大原因，係因為我打算今晚同Vincy表白。

過往我有好多表白失敗嘅經驗，但我都依然選擇鼓起勇氣，想向Vincy表達我嘅心意。





然而無論今次成功與否，我都會坦然接受結果。

畢竟經一事長一智，我唔會再好似上次咁，俾人拒絕完就發脾氣大叫，更唔會俾魔鬼有機可乘。

夜晚七點，我同Vincy嚟到一間西餐廳用膳。

佢化咗個好靚嘅妝，打扮得好隆重，至於我亦都執得好四正，無失禮到對方。

喺未上菜之前，我地大家都無乜點出聲。





主要係我諗緊陣間要點開口表白，搞到有啲心不在焉。

「做咩你今日咁靜嘅？」Vincy主動撩我講嘢。

「無…無嘢呀…」

「不如我講一件好不可思議嘅事你聽。」

「有咩事咁不可思議？」





「你知唔知迪士尼樂園，原來係唔俾人cosplay佢地嘅卡通人物入場？」

「下？係咩？咁點解嗰日我地扮神燈同阿拉丁又入到去嘅？」

「係囉，我都覺得好出奇，唔通嗰日啲職員鬼掩眼，所以留意唔到我地？」

「都有呢個可能，又或者係我地cosplay得唔似，所以佢地睇唔出。」

「無可能，我明明扮到我地無十成都九成似，職員點會睇唔出。」

「唔係喎，你隔籬屋個師奶話我似藍精靈，藍精靈應該唔係迪士尼嘅卡通人物。」

「點會似藍精靈，一睇就知係神燈啦。」

我地一人一句，有傾有講，之後成餐飯落嚟都傾得開心、食得開心。





問題只係我仲未搵到機會開口同對方表白。

食完飯離開餐廳之後，我就送Vincy返屋企。

沿途中，我喺心入面不停同自己講，快啲鼓起勇氣講出口。

怦怦！

我個心跳得好快好快，明明我都表白過咁多次，呢啲嘢應該駕輕就熟先係，但偏偏嗰幾隻字噏到嘴唇邊但又講唔出口，夾硬吞返落肚。

或者我怕失敗，我怕俾對方拒絕，所以唔敢開口。

條街好靜，周圍無乜人，只得我同Vincy兩個。





喺街燈嘅照射下，我地兩個嘅影子反映喺地上面。

我望住地下並肩而行嘅影子，仲諗緊點開口。

「做乜又咁靜唔出聲嘅？」Vincy主動打破呢刻嘅沉默。

「我...我...其實有啲想同你講...」我停低腳步。

Vincy無出聲，好似等緊我開口。

我抖咗啖大氣，心諗死就死啦！

「Vincy，我鍾意你，請問你可唔可以做我女朋友？」

醞釀咗成晚，我終於都鼓起勇氣，向對方表露自己嘅心意。





「嘩！呢個年代邊有人仲表白咁老土架？哈哈！」Vincy對住我燦爛咁笑咗一笑，「不過我鍾意！」

「咁我要話俾你聽我鍾意你，除咗表白之外都無其他辦法。」

「咦~咁肉麻架你~」

「咁...咁你肯唔肯接受我嘅表白？」

Vincy挨埋嚟主動拖我隻手：「你要我接受你都唔係唔得嘅，不過我有個要求。」

「咩要求？」

「就係以後你唔可以插一萬下咁耐。」





「呢個放心啦，就算你肯我都唔制啦。」

「同埋我都要一萬下高潮。」

「下？咁咪仲辛苦過插一萬下。」

「最多俾你分期執行啦，哈哈！」Vincy緊緊咁拖住我隻手。

我真係估唔到表白失敗過咁多次，終於有一次成功咗！

喺往後嘅日子，我想同Vincy有好多個好多個一萬次，直到永遠永遠。

最後，我想借我呢個故事希望鼓勵到大家，只要相信奇蹟，你都可以遇到真愛！（又或者會遇到魔鬼，然後經過一大輪生生死死，最後搵到真愛。）

總而言之唔好放棄！我得你都得！




（全文完）