每一次扑嘢，都係一場死亡挑戰: 54

喺Vincy嘅好心收留下，我同佢算係展開咗「同居」嘅生活。

相處落嚟發覺，Vincy真係一個好友善、好隨和嘅女仔，同佢一齊嘅時候，我感覺好自在，而且可以好無顧慮咁做自己。

只係有時坐埋一齊，對住佢一對得耐，唔知點解「細佬」就會有反應。

當碌嘢一扯旗，只要唔小心掂一掂就又會發動靜止之力。

我唔想又隊一萬下，於是呢個時候就會自動請纓去做家務，借此分散注意力。





「一個鐘頭之前你咪拖過塊地囉，做咩又拖一次嘅？」Vincy問我。

「啱先好似唔係拖得幾乾淨，望落仲有啲塵，我想再拖多次。」我揸住地拖，幫全屋嘅地板清潔。

Vincy望一望地下：「唔係呀，好乾淨好企理喎。」

「Er…我見角落頭位嗰度都仲係好污糟。」

「得架啦，拖完一次就OK架啦，我唔係我以為收留你，係諗住搵你做阿四呀嘛？」Vincy行過嚟想收走我手上嘅地拖。





扯緊旗嘅我好驚同佢有身體接觸，因此第一時間彈後兩步。

Vincy呆一呆：「你做咩咁大反應嘅？」

「Er…我…我...」

我口窒窒，太尷尬唔知點解釋，唯有借尿遁閃人：「哎呀，突然間急尿添！我去個廁所先。」

我放低個地拖，然後好小心咁繞過Vincy，再衝入去廁所。





第一時間先扭開水龍頭，用凍水洗個面，俾自己同「細佬」冷靜下。

自青春期之後，我好耐都無試過郁啲就扯旗。

我心諗咁樣唔係辦法，於是打開鏡櫃，睇下入面有無膠手套之類嘅物品。

好可惜，摷咗一陣都搵唔到，唯有等「細佬」慢慢冷靜返落嚟，之後先行返出去客廳。

一出到去，見到客廳嘅茶几被移開咗，跟住Vincy喺自己間房，拎咗盒好大盒嘅Lego出嚟。

佢問我：「你地男仔咪好叻砌嘢嘅？」

「砌…嘢…？」

「唔係你諗嗰啲呀，我指嘅係砌模型。」Vincy將盒Lego拎到客廳嘅中心。





「乜你鍾意砌Lego架咩？」我問。

「唔係呀，係我舊年聖誕節參加商場抽獎，想頭獎抽唔中，結果抽中呢盒Lego，我本身無砌開模型，雖然份獎品唔啱心水，不過掉咗佢又好似好可惜，所以咪一直收埋喺床下底。」

Vincy一邊講，一邊拆開盒Lego：「平時返工忙唔得閒砌，依家有時間，不如我地一齊夾手夾腳砌咗佢。」

而我份人其實無乜耐性，平時亦都無砌模型嘅習慣，不過對方叫到，我都唔介意陪佢砌嘅。

咁樣至起碼叫做有啲嘢做下，可以打發一下時間，又可以分散注意力，等碌嘢無咁易扯旗，一舉兩得，何樂而不為。