每一次扑嘢，都係一場死亡挑戰: 51

「呢個真係你嚟嘅？」Vincy問我。

「係呀。」

「嘩你都幾夠薑喎，咁高都夠膽跳落嚟。」

「無計啦，當時酒店房入面有成堆差佬圍住我，唔係咁樣跳落嚟嘅話，我一定走唔甩。」 我一邊咀嚼口中公仔麵，一邊回答。

「計埋今日醫院呢次，你都算係走甩咗兩次。」





「係架，不過避得一時，都唔知避唔避到一世。」

「除非你著草，唔係嘅話都好難匿成世，而我Vincy身為一個良好市民，我就會勸你去自首，到時上到庭，再向個官求情，話你係受到魔鬼陷害，所以先會做出壞事，話唔定個官會網開一面。」

「唔係呀嘛，個官點會信埋啲咁嘅說話，聽完當我鳩噏就有份。」

「咁又係嘅，不過我信你，我相信呢個世界唔單止有魔鬼，而且仲有天使。」

「係有天使就好啦，希望佢快啲嚟打救我。」





其實我係相信呢個世界有天使，不過可能要上到天堂先見到，但我死咗之後，睇怕會跟住魔鬼落地獄，斷估都無乜機會上天堂。

停電之後間屋無冷氣無風扇，再加上天氣有啲熱，食完嘢我同Vincy輪流沖咗個凍水涼。

除咗消暑降溫之外，我都用凍水沖一沖條jer，幫佢消一消腫。

比起第一次，今次條jer算係腫得比較輕微，可能係插得多，條jer都插到麻木曬。

大家沖完涼，間屋又點曬蠟燭咁好情調，孤男寡女咁樣共處一室，正常接落嚟就係要搵窿拮，但係啱先已經拮咗一萬下，真係乜都夠曬皮。





見大家無嘢做，手頭上又得部電話，Vincy提議上連登鋤大dee消磨時間。

咁就啱啦，頭先問答大賽有條關於鋤dee嘅題目，明明我答啱但Vincy偏偏話我錯，依家係機會報返一戰之仇。

我地兩個人再加兩個電腦bot一齊玩，而為咗增加遊戲趣味，我地定咗邊輸得最多，邊個聽朝就負責煮早餐。

我地坐喺客廳梳化上面，各自揸住自己部電話同對方對戰。

「…站長到你出啦，我就一條花，你夠唔夠打？」

「我夠打呀！但唔知點解出唔到？」

Vincy伸個頭過嚟「裝」下：「梗係出唔到啦，你條花都唔夠大。」

「下？我葵扇大過梅花，點會唔夠打？」





「咪話咗同花係計點數先，你最大係葵扇10，我最大就係梅花King，試問10仔點大得過隻King呢？」

「隻game唔啱規矩啫，話明係同花，應該點都係計花色先。」時間一過，電腦就自動幫我pass。

「呢隻game嘅規矩無錯架啦，係你之前玩錯咗啫。既然你無得出，咁我就唔客氣啦！」

Vincy出多條夫佬就出曬全部牌，贏咗呢一鋪：「哈哈！輕輕鬆鬆炒你十一隻。」

「頂！呢隻game有bug！」

「唔好瀨啦，要怪就怪你自己玩得渣，哈哈！」

「下一鋪我就炒你十三隻，睇下你仲係咪咁牙擦！」





結果下一鋪揸爛牌，我又輸咗，之後連續玩落去，Vincy都係贏得多過我。

事前本來講好係玩二十鋪，睇下邊個贏得多，點知玩下玩下，大家一個唔覺意玩咗成個鐘。

「…站長又到你出牌啦…」Vincy一邊講一邊打喊露。

「我要諗一諗，俾啲時間我。」我望住副牌，好認真咁思考，諗到差唔多時間夠先出牌。

同時間，我feel到Vincy挨咗落嚟我膊頭。

我擰轉面望一望，對方似乎攰得滯訓著咗。

為咗唔想嘈醒佢，我唔敢起身亦唔敢亂郁。

過咗一陣，我都慢慢帶住睡意，瞇埋眼，同對方一齊坐喺梳化上訓著咗。