叫雞默示錄: 就好似……女皇咁！

「堅先生，聽講你黎面試係約左十二點架呵？」一個女人邊望住個電腦螢幕，邊對住我講。
無錯，我就係約左戴小姐十二點去面試見工，但係我訓撚到兩點先起身，一起身就已經發現手機已經來電左十尻幾次……都係啊戴小姐打比我嘅。
「係……」我真係好撚柒，好想搵窿捐，好想跑番屋企。
我本黎已經覺得既然見唔成，就直頭唔理佢電話啦，搵過第二份算。
點知佢又突然打番比我，叫我而加即刻黎面試……
咁我就係超時兩個鐘嘅情況下照樣去面試。唉屌，我其實係咪應該唔撚理算尻數呢，可能仲無咁尷尬都唔定。
「我想問，你都係見份文職姐，仲要係兼職，點解都可以遲成咁架？有尐咩原因係可以令你遲成咁吖？」
「我訓遲左……對唔住。」
「唉……」戴小姐嘆左一口氣，繼續邊打字邊處理文件。
老實講，我而加連望住佢嘅勇氣都無，我已經覺得自己好撚仆街架啦，遲撚哂大到。


話就話係訓遲左，但個原因講到尾，就係我岩岩精蟲上腦去左叫雞所以先咁撚攰。
我個內心咁撚污穢，我怕一同佢直視，就會比佢睇撚穿。
「你地呢尐九十後，有尐都已經成三十歲人啦，最少都二十幾啦，咁大個人都仲可以咁冇嚟搭霎嘅。」
戴小姐邊講邊無奈掩臉，唉我好撚無臉。
係佢做緊野果陣，我襯呢一個機會偷望我未來上司個樣。
戴小姐五官其實幾別緻，隻眼唔大又唔細，係果種好工整又好典型東亞人果種厚重雙眼皮。
鼻哥唔算細，但鼻頭又唔算好有肉，中等咁囉，但放係佢果瓜子臉度會有一種幾可愛幾趣怪嘅感覺。
雖然睇落去化尐妝又濃又盛，尐審美好古怪咁，但應該唔會好大年紀，岩先淨係聽把聲都會覺得佢應該約莫三十零歲咁上下啦。
呢種女上司會唔會扮哂老屎忽咁玩尻我架呢？
其實我面試呢份工都係求其搵住先，係聽講我老母尐朋友嘅朋友嘅親戚介紹先入去做，係喎屌……唔怪之得我遲左兩個鐘都仲可以面試啦，唉我正仆街仔。


「你企過黎寫埋尐個人資料比我啦，拿。」
佢處理完尐野之後就遞左支筆比我，咁咪我伸手一摸……唔小心摸到佢遞野個右手。
戴小姐吓左一吓之後，係咁咦縮一縮後隻手，但都仲KEEP住遞支筆比我。
「唔該……」
我一邊講唔該，一邊已經扯左旗。
哇屌！點解隻手可以滑成咁架嘅！仆你個街！
好似摸緊個細細個果尐細路女咁，而且佢隻手明顯又白又滑，白雪雪咁，唔講以為佢身體有咩病。
同埋我做乜會咁撚敏感架屌，摸一摸人地隻手成身尐血抽哂去賓周仔度，痴撚線架咩屌！
我邊機械式咁寫哂自己尐個人資料上去，邊冷靜落黎令自己火消。
遞番份form比佢果陣，都唔撚知望邊度好。


戴小姐：「你做咩？」
我：「咩…咩……咩做咩？」
戴小姐：「你唔舒服啊？洗唔洗睇醫生？你睇落唔係好精神咁喎？」
我：「啊……唔洗唔洗，我諗我應該係朝早無食野，所以好肚餓咁姐。」
戴小姐：「咁，我都唔阻你，你應該知道我地呢一度係做尐咩野架啦？」
我東張西望咁點頭。
戴小姐：「如果照番你比嘅時間表，你最早可以係聽日番工。之不過，我最討厭人地遲到，雖然你係人地介紹黎，但係如果你呢個問題無改善過，咁就算本公司無辦法同你合作。」
我收起番岩岩玩笑果種臉皮，一本正經咁講：「之後唔會再遲到。」
「咁好吖，聽日見啦。」戴小姐托托眼鏡，眼神尖銳咁望一望我，之後就回頭繼續打字，眼見及此，我亦都頭耷耷咁慢慢行番去我個狗竇度……
番到去我果間屋果陣，我即刻諗番起戴小姐佢果種眼神，係充滿住對廢柴嘅不肖同蔑視，好有果種望住PAT屎嘅感覺……但係唔知點解，佢咁樣望住我果陣，係比起佢正常果個表情更加有吸引力。
因為佢本身果樣比較和善比較木訥，但係佢一有果種充滿情緒嘅表情嘅時候，就令到佢個樣產生化學反應，變得更加具狠勁更加具氣場，中和左佢本身嘅感覺之餘仲好似具有某種神聖性咁添！
可以用咩黎表達呢……係「女皇」！就係「女皇啊！」我屌，咁都比我諗到，好撚醒啊！
雖然講笑係咁講，但係佢之後應該會對我好苛刻，成間公司非常之細，除左佢之外淨係見到入面有幾個人影咁，睇怕工忙會好繁重，我只希望佢嘅內心唔好真係好似一個女皇當我係奴隸咁。
過左一陣，我食完個飯，整理好屋企野之後，就準備完成埋今日要做嘅工夫。
無錯！去比番錢佢！我唔要比差佬拉！