叫雞默示錄: 小小決心咁啦

11
「仆街……」
唉，點解我咁撚大頭蝦架，錢都唔記得比。
我更加之覺得自己賤尻格，無當過條女係人，真係好撚狗，好撚討厭自己。
之但係，無比到錢又會發生咩事架呢？
我諗佢都唔會報警掛，始終……咦，但係點解佢唔可以報警啊？我覺得完全無問題喎，因為佢又無犯法，又無做錯喎。
係喎，挑！呢度又唔係大陸，叫雞都唔犯法嘅。
就算佢真係報警，都係因為我無比錢姐，出事果個係我咋嘛。
「哦……」
哎！咁我咪仆街？


屌！唔撚係啊嘛，第一次叫雞叫到比差佬拉！
我個腦即刻係度轉，故思亂想。
我諗到果個畫面係咁嘅：自己比人套撚住個紙袋，前後都有警察鎖住我，由棟又舊又殘嘅唐樓度行出黎。
成棚記者衝過黎一路影一路問：「堅先生！堅先生！請問你係唔係叫雞無比錢啊？呢個係唔係因為想實現你心目中嘅政治訴求！而進行嘅行為藝術啊？」
最後上埋報紙上埋電視，標題隻字寫住：「早晨叫雞真男兒，無比到錢真失敗！可憐少女賣肉身，無錢難道信真心」
到時親朋戚友個個都知道我叫雞，仲要無比錢添啊！
「哇啊！」
屌！唔好啊你老母！
我而加真係淆撚到出汁，仲即刻拎住個銀包，九秒九衝番落去頭先入閘果個門口度，我唔想見到自己上電視啊！我唔想比人問係唔係做緊行為藝術啊！
唔洗一分鐘我已經飛身去到佢門口，不過就算係我想即刻比錢佢都比唔到。


因為道門已經緊緊關上左，而且果塊板已經轉左去「請稍等」嘅果一面。
「呼……」
我即刻鬆一口氣，佢忙緊，咁姐係話無報到警啦，咁姐係話我唔洗比差佬拉啦。
我退後左一兩步，望住呢道門，一道平平無奇嘅木門。上面貼哂五顏六色嘅標籤，寫住尐「天真可人」、「溫柔有禮」又咩「豐滿有肉地」。
仲有咩「二十二歲」、「初嚐禁果」呢尐一睇就知係假嘅標籤。
唔知點解，我感覺自己唔應該入去，我解釋唔到呢個原因。
我忽然間覺得佢好慘。
但係你話係唔係因為我諗到尐咩實際嘅理由，我講唔到出口。我甚至連點解我會有呢一種嘅感覺，我都唔清楚。
成個空間都好壓抑，好似某種蟲洞一樣，唔係好合適人類去住嘅。
係我仲係度諗緊果原由嘅時候，門入面開始傳黎一陣又一陣呻吟聲，就好似一個鐘前我聽到嘅聲咁。


打消左即刻比錢佢嘅念頭前，我小小咁下定個決心，我唔可以再叫雞，我唔可以再去做呢尐事……當然我會比番錢佢！我唔係仆街罪犯，我都唔想比差佬拉！但係都要等到佢門口開左先嘅。
一上番自己間房，訓係張床度，諗住休息一陣。點知，竟然係呢一個時間覺得好眼訓。
咁又係，晨咁早起左身，而加都係七點幾，我頭先仲要做劇激運動。
「好！」咁我比自己訓多一陣陣應該都無問題啦掛，係咁咦訓一陣，之後起身比番錢佢再去面訓啦！
我比左個放鬆嘅理由比自己，唔過幾分鐘我就係張床度訓著左，然後我一起番身，發現已經係下午二點……