補習社的女同事: 迪士尼的煙花

今日係Regina嘅生日，我就約好左同佢一齊搭地鐵去迪士尼。

「Cyrus要你等，唔好意思啦！」見佢精心打扮，妝容化得自然又夠好睇，等耐少少都無所謂。佢一路跑過嚟，見到佢雙胸不斷彈下彈下，真係會覺得佢變得越嚟越性感。

「唔緊要啦，我地行啦！」我想翹住佢隻手一齊行，但佢好似睇唔到我想咁做，咁就等陣間入到樂園再算。

去到迪士尼，陽光普照，我地排隊就已經排到流曬汗。我主動幫Regina影唔同角度嘅相，佢亦都好樂意擺pose，令我幫佢留念之餘我都能夠多角度欣賞佢嘅體態同美態。

玩左太空山果座過山車之後，我嗌到聲都沙埋。呢個時候，佢好親切咁樣遞左一支礦泉水比我。



「估唔到你真係驚坐過山車架…..嚟啦我比啖水你飲啦。」我多謝佢嘅時候，望到佢背心下面嘅乳溝。「不過就算係咁，你都肯陪我玩，我先應該多謝你。」

如果我嘅女朋友可以真係好似Regina咁善解人意，咁溫柔，我會好好愛惜佢，愛護佢。

跟住落嚟，我地去左火箭餐廳食lunch。呢度通常都好多人排隊，所以我就叫Regina先搵位，我就去排隊再買野食，順便可以幫佢比埋錢請佢食野。

「你知道我想食呢個漢堡，好叻呀！」

「我記得之前問過你架嘛，係咪？」



「有你咁好記性嘅男仔係我身邊，真係好呀……仲有，你唔使下下都請我食野架……今日有你陪我玩，我就已經好開心同滿足。」

同佢對望，我彷彿望到佢眼神深處對我有更溫柔嘅感情。

玩完明日世界，我地就去左森林園區果邊，順便坐遊覽船消下暑。沿途有講有笑，我地仲影左唔少合照，真係玩得盡興。

夜晚六點幾，天色漸暗，我地就開始把握時間去紀念品店。Regina睇中唔少公仔同擺設都唔捨得買，我就直接用信用卡幫佢買曬。佢把口就話唔使啦、唔好意思之類，但其實佢笑得好甜美。

去到睇煙花嘅時候，我地企係大街中央，彷彿大家都有意識想係呢度同對方講d好重要嘅說話或者做好重要嘅事。



「多謝你，今日陪足我成日，呢個生日，我過得好開心。」佢含情脈脈咁對我講出呢番說話。

「唔使客氣，我都多謝你，比我陪你玩足成日，食足成日。」

「你再講落去我都會怕醜同唔好意思啦。」

「傻啦，我話過，可以令到你開心，重拾笑容，我就開心。」

「雖然我份人有時都會怕醜，但今晚，有件事，我唔會再怕醜啦。」話音未落，佢就主動企高，嘴唇貼落我嘅嘴唇，係背景煙花發射嘅同時，親吻左我。

我都主動配合佢，同佢係迪士尼煙花呢個浪漫背景前面熱吻。呢一刻，就係我人生目前最值得收藏嘅畫面。

「Cyrus，我愛你。」佢雙手抱住我條頸。

「Regina，我都愛你。」我抱住佢條腰。「今日都買左幾多野，我地要唔要……book間酒店……再玩過呀？」



「玩咩呀你？」佢調皮咁彈一彈我額頭。

「玩大人先玩得，呀唔係……係玩我地先玩得嘅遊戲囉。」

「好呀，驚你呀？行啦！」佢好興奮咁拖住我隻手，向地鐵站跑過去。

就係咁，我成功抱得美人歸，而Regina亦都能夠走出被強姦嘅心理陰影，真心愛上我。