【愛情】【靈異】我啊媽係遊魂野鬼: 第三回 今夜不回家（中）

第日訓醒已經係下晝三點，年輕人放假訓到下晝平常不過啦，梳洗完之後我同平時一樣懶懶閒咁攤係梳化睇電視，

但總覺得今日氣氛零舍低沉，可能因為今日陰天又落雨。

「肥師奶，麻煩煮個老母麵嚟食下丫，好肚餓啊，加全熟蛋，唔該曬！」啊媽一副完全冇我扶嘅樣，入左廚房幫我煮麵。

訓太多個人瘟瘟凳凳，我眼神死咁盯住電視螢幕，播緊新聞片段重播，
「昨日30號晚凌晨一名本澳35歲女子於xxx酒店吊頸亡，目前推斷為自殺。」

「食啦，成日咁夜先訓，第日訓到下晝都有嘅。」




「哦，唔該肥師奶。」

我一邊狼吞虎嚥食麵，一邊望向啊爸同啊媽問：「你哋今日睇左呢個新聞啦？」
啊媽嘴角上揚咁話：「我噚晚就知啦。」
啊爸冇回應我，只係神色凝重咁番左入房。

我繼續邊食麵邊睇電視，重播緊黃子華有份演戈套《男親女愛》，
我同啊媽都覺得入面啲金句好好笑，啊媽仲笑得開心過我。

食完麵我將碗筷拎入廚房洗，




邊洗碗突然諗起啱啱啊媽話佢噚晚就知道有人係酒店自殺嘅新聞，
即使啱啱電視播嘅係重播片段，
都冇可能咁快噚晚就知道呢個新聞，
我突然聯想起噚晚、凌晨、酒店、女人、啊爸，
仲有噚晚啊媽同啊爸講咗句同Heidi一樣嘅對白。。。。。。

唔會咁啱掛。。。。。。

咁姐係啊媽噚晚係在場？姐係啊爸、Heidi 同啊媽三個人都在場？
啊，唔係，啊媽唔計一個人。





「佳懿」
啊媽行路冇聲，突然係我後面叫我，我嚇到差啲就將手上洗緊嘅碗跣手跌落地。
「諗緊咩啊？你唔記得閂水喉啊。」
「冇啊，發呆咋嘛。」