后海灣中學 (甜): 追女仔 (2) (Dick 視覺)

"我地諗好點罰你。" Tracy同我講。

"你要同我地一地幫Miss Tong手整萬聖節裝飾。"Cindy講。

萬聖節裝飾？係喎，好快就萬聖節，好啊，可以同Cindy一齊整裝飾，何樂而不為呢？

"好啊，想點佈置黑板？"我話。

"唔係呢一個班房。"Cindy講。



"係全校啊。"Tracy笑住講。我好似feel倒自己中左伏......

原來我地嘅班主住Miss Tong係負責后海灣中學Halloween Day嘅其中一個負責老師，錦佢好自然搵自己班嘅學生搞佈置，都搵左成十幾個同學。我地預計喺萬聖節前兩個星期，放左學之後留喺學校，開始剪剪貼貼錦，裝飾下走廊，樓梯，canteen，學校大門等等嘅地方。

呢一日，我地4D班部份同學開始準備佈置，部份同學喺canteen將唔同嘅裝飾做分類，例如塑膠南瓜，黑色三叉戟貼紙，英文poster (呢度始終係學校，英文科老師襯呢個機會教大家同halloween有關嘅英文)之類。

"你地拎去唔同嘅樓層啦，唔夠再落黎canteen拎。"Miss Tong吩咐完我地，我地就各自去唔同嘅樓層。

"幫我地拎啦，要上五樓。"Tracy同Cindy好順手錦比哂啲野我拎，佢兩個就輕輕鬆鬆行上五樓，我就要拎足五層......



"你做咩倒轉左個南瓜痴？"Cindy問我。

"咦，係咩？哈哈，一時快手。"其實真係無咩可能會痴錯，我專登反轉個南瓜痴，引Cindy主動撩我講野，呢招我上網學。

"錦呢兩隻鬼仔點痴好啊？面對面？"我拎住兩張鬼仔貼紙問Cindy。

"嗯....錦樣啦。"Cindy講，佢拎左其中一張，諗住痴喺圖書館門框中間，佢拮高腳，不過好明顯唔夠高。

"等我黎啦。"我不經意(其實係故意)掂倒Cindy隻手，拎返張貼紙，我地雙手掂倒嘅一殺那，feel倒佢隻手比我凍。



"哇妳隻手咁凍嘅？"我好自然錦講左句。呢招都係上網學，只要對方隻手比自己凍或者熱，都可以有藉口撩對方，一樣溫度就無計。

"係咩...."Cindy即刻縮起隻手，塊面變紅左少少，我相信佢唔係嫌棄我掂倒佢所以嬲到臉紅，而係一種比男仔掂倒個種怕羞，佢怕羞個樣，其實好可愛.....

我拎住張貼紙，拮高，但都係痴唔倒。

"哈哈你咪又係唔夠高。"佢笑住講。雖然我柒左，但可以令到佢笑，都算failed successfully嘅。

"你地整成點啊？"Tracy拎住上層痴唔哂嘅posters落黎。

"進度幾好啊。"我話，然後接實Tracy比我嘅posters。

"Cindy你知唔知我頭先喺上面見倒啲咩？" Tracy好興奮錦問Cindy。

"咩啊？"Cindy問。



"我見倒呢...."Tracy貼住Cindy耳仔講。

"吓，真架？"Cindy好驚訝錦問。

佢兩個喺度細聲講大聲笑，女仔真係任何時候都可以傾八掛野，我苦笑完就繼續痴posters。我痴好哂，佢地都仲傾緊。

"喂，搞掂哂喇，走喇。"我提佢地。

當晚，我WhatsApp Tracy。

"多謝妳比左個機會我同Cindy 獨處喎。"我話。

"唔洗客氣喎，我咁啱有野做姐。"佢話。



"去開餐？"我用奸笑嘅表情符號試探佢。

"都算係嘅。"佢講。

"頭先學校都仲有啲人喎，咁激？"我問佢，唔知佢喺邊度偷食呢？