后海灣中學 (甜): 追女仔 (1) (Dick 視覺)

自從嗰日比Tracy玩到射左兩次之後，我又心思思諗幾時可以約佢。但當我上緊中史堂，見住前面嘅Cindy，我又有啲失落，究竟我喺度做咩？

"呢份功課聽日上堂交。"教我地中史嘅鄧sir講，講完就放小息。

"份功課點做啊？條題目問是或否，要我寫20行？"我隔離個同學苦笑緊。

"你每行寫大隻啲，寫疏啲咪得囉。"我話。

"你諗唔諗倒點寫啊？"我借啲意問前面嘅Cindy。



"嗯，頭先都講左啦，唔係好難寫姐。"Cindy作為專心聽書嘅學霸展現出佢極高嘅自信，我呢啲學渣真係唔知頭先已經教左。

"咩兩正兩反嗰啲？"我問Cindy。

"係啊，你專心啲上堂啦。"佢答。我其實好專心上堂架，好專心錦望住Cindy嘛。

返到屋企，當我想拎中史功課出黎做嘅時候.....大穫，唔通我漏左本中史書喺locker? 定係唔見左？無中史書點做中史功課啊？突然我諗啲野，我WhatsApp Cindy。

"救我啊！我唔記得帶中史書返屋企啊！可唔可以影幾頁救我！"我加多幾個喊喊嘅表情符號，事實上呢次係我第一次WhatsApp Cindy。



"你係Dick? "過左一陣，我就見佢覆左我。

"係啊Cindy姐，可唔可以救下小弟，份功課聽日要交喇....."我打，唔知佢會唔會幫我呢？我見藍剔左，之後我等左五分鐘，佢都無覆我。唉，唔通佢覺得我煩？

"你下次唔好咁大頭蝦喇" Cindy覆左，仲真係影左幾頁中史書我，太好喇。

"萬分感激！聽日請妳食早餐。"我話。

"唔洗啦，小小事姐。"Cindy真係好人，雖然我更加想佢搭好，然後我就可以請佢，同佢一齊食早餐.....



"錦我差妳一個人情啦。"我打完，就真係要做功課。

第二日朝早，我返到學校，即刻開locker拎返本中史書出黎，好在喺度，應該係我琴日唔小心放埋入去。

"追Cindy追成點啊？"Tracy突然出現喺我身後面，喺我耳邊細細聲問，嚇到我即刻褪後左，一腳踩左落Tracy隻鞋上面。

"喂！好痛啊！"Tracy大喊，吓，唔係佢嚇我我邊會踩親佢？

"咩追咩啊...."我扮無知錦問。

"你追Cindy囉。"佢細細聲講。

"邊有追啊....哇，今日真係好好天啊！"我嘗試轉移話題。

"Cindy咩到講比我知架，攬實你本中史書啦。"佢講。佢知我琴晚WhatsApp過Cindy? Cindy有同佢講？定只係咁啱見倒我攬住本中史書？定係只係大下我？



"啊，差唔多夠鐘早會啦，走先。"我有不詳嘅預感，最好走為上著。點知一另轉身，Cindy就喺我面前，佢.....會唔會聽倒啲咩架？

"Cindy，啱啱啊Dick 踩倒我，好痛啊！"Tracy大喊。Tracy唔出聲咪好地地囉....

"吓，妳有無事啊？"Cindy行埋Tracy身邊，再問我"你做咩踩人地啊？"

"佢....佢講妳就信架喇？"我好無奈錦問佢。

"點解唔信啊？Tracy又唔會呃我。"Cindy答。

"哼，我地去早會喇，陣間先同你計。"Tracy翹住Cindy對手離開。

我望住佢兩個嘅背影，真係無言以對，如果Tracy講咩Cindy都信，以佢地咁friend嘅關係，會唔會連我同Tracy嘅曳曳野都比Cindy知道架？錦我仲點面對Cindy? 冷靜啊Dick! 唔好亂咁估，要冷靜，要冷靜......