【已完結】【廣東話】《魔都姬神:退魔巫女千夜》(走甜健全作死日更小說企劃): 其之二十三
其之二十三
![](https://i.imgur.com/fkpQjl7.png)
「彈藥補充完畢,備用充電池妥當,隨時可以出動!」
「喂…咁樣真係無問題?」
「…呢枝剛換上去嘅備用槍管係全新㗎!損壞嘅腳部裝甲…拎代用品頂住就得!」
「…唔係指呢樣…而係你覺得巫女小姐真係會有麻煩?」
「咁唔通就咩都唔做坐響度?」
「我嘅意思係,若果連巫女小姐都應付唔嚟嘅情況…」
「…我哋去到又有用咩?」
「大家兄弟唔好為咁嘅事嘈…而家我係阿頭,由我話事…」
「呢次行動…自願性質,決定留守響外面嘅我保證唔需要負上任何責任…」
「…三分鐘後集合出發。」
「Echo1,咁你滿意未?」
「NO…呀Yes sir!」
「唔好誤會,我以事論事,唔係針對你定任何一個人。」
早前被千夜救出,一同返到地面嘅AD特警們…
…Delta隊2人,以及Echo隊除咗已陣亡嘅一位以外四人,
響補給同整修裝備之後,
由大隊長Alfa1帶頭,準備進入地下,追上先行嘅千夜提供支援。
「…我以為你會指派我帶隊…」
「俾你咁易估到就唔係你阿頭…」
「俾晒機會…結果都係全員出動…」
「…兄弟齊上齊落呀……」
「今次唔止兄弟,多咗個妹,小妹妹…」
「點都好…榮譽或屍袋!」
「兩者可以兼得!」
「GOgoGo!」
另一方面,受困於地底深處嘅Alfa小隊和Delta小隊一行六人,仍然被觸手纏住吊響半空。
「…死喇死喇靜晒無反應嘅?」
「喂,聽到就應下我哋啦!」
「頭先明明有把女仔聲…最後叫救命…」
「…凶多吉少啦……」
各人身上嘅黑色強化裝甲服表面因為受滴落嘅強酸腐蝕,加上先前戰鬥多處損壞,
顯得破破爛爛,狼狽不堪。
(…唔好放棄…仲有希望……)
「…靜一靜先…你哋聽唔聽到?」
「…係先前果把女仔聲……」
(…仲未絕望…仲有機會㗎……)
…響呢個時候,千夜因為大意中計,被天敵靈吸怪捉住,一條又一條觸手插入佢體內,
直接將靈子抽出吸收,雖然動彈不得但因為意識完全清醒,所以仍然想盡各種辦法,
要脫困救人。
(…唔…阿呀…哦啊啊啊……唔好…果度…啊…唔可以……呀…)
「…喂…妳點呀?!妳響邊呀?」
(…我…我無事…阿…呀……暫時…仲未…唔嗯……)
「…係咪錯覺……」
「吓?咩呀?」
「啲觸手好似無咁緊,同埋啲腐蝕性液體停咗無滴落嚟……」
「咦…好似…真係喎!」
(…唔通…?)
千夜集中精神,將力量用響偵察探查,想從種種跡象分析現況。
(…由我身體抽出嘅靈力大量湧入反而令到負荷過重?)
「…會唔會同把女仔聲有關?」
受困六人亦不約而同察覺到呢點。
(我係退魔巫女神樂千夜,受封魔神社委派嚟救你哋㗎!)
「…聽…聽到喇…好清楚!」
「我…我都係呀!」
「我哋全部人都聽到!」
「太好喇!有救喇!」
(…反向入侵術式成功喇…原來係咁…)
千夜反過來利用咗插入體內嘅觸手,逆向連繫返被囚禁響另一處嘅六人。
(…嗯…應該可以控制到部份觸手……)
「…?!」
只見六人身上嘅觸手鬆開咗,稍為用力掙扎就可以跳落地面。
「…仲等咩?走啦!」
雖然各人或多或少都帶傷在身,而且已經無武器可用,但仍然把握機會逃出生天。
(大家…快啲跟住條路走……)
「…咁…咁妳點呀?妳響邊呀?」
(唔…唔駛理我……哦啊啊啊…快…快啲走…呀…阿…呀呀…呀……)
…靈吸怪突然加強吸力,仲將觸手收得更緊。
(…被發現咗?唔係…靈吸怪無智能…有…另一個意識……背後有人操縱住?!)
千夜失去咗同各人嘅連繫,但發現到更多更接近真相嘅事實…
(究竟…係咩人……)
隨住更多更大量靈力更快咁流失,佢感覺到意識開始迷糊,再集中唔到精神。
(…唔係…呢種足以支配妖魔嘅強烈意志…唔會係人……)
只覺天旋地轉眼前景象開始扭曲變形,美少女退魔師慢慢失去意識。
六人正沒命狂奔,由地下深處一直衝返出去。
與此同時外面七個人,全副裝備咁衝緊入嚟。
「…係我…黑服……」
遠處嘅裝甲指揮車裡面。
「…解除一級封印,係,無錯。」
只見黑服一郎一手拎住個電話,一手展開一個浮現響半空嘅魔法圓陣。
「…清楚明白,一切後果由我負責,做啦!」
「喚醒沉睡響森林裡面嘅美女(La Belle au bois dormant)…」
[次回待續]