【已完結】【廣東話】《魔都姬神：退魔巫女千夜》（走甜健全作死日更小說企劃）: 其之十五

其之十五

行行重行行，一層又一層，
妖魔聚成群，前行兩三人，
後排五六個，戰甲未開火，
巫女閃身過，倩影突穿梭。



「紅蓮蹴！」只見千夜一個蹤身踢出帶火的裹迴蹴，




然後連續使出多段踢技「飛焱連腳！」
最後同時踢出三段蹴「紫炎三連腳！」

正前方的三隻妖魔瞬間化成燃燒中的焦炭。
但後面又湧出了四五隻不怕死的蟲型妖魔。
「正拳！裡拳！肘打！」身穿巫女服的爆乳少女衝進妖魔群中間，「前蹴！縱身迴蹴！姬神獄鎖連擊！」
只見拳腳連發同時以一對多，巧妙地在一隻又一隻妖魔之間穿插逐一擊倒，
甚至利用被擊飛打碎的妖魔，好似打保齡球或者花式桌球一樣連環碰撞，
用最小動作擊倒更多更大量嘅對手，頃刻之間大群妖魔死傷過半。





「好勁…真係駛唔駛咁誇張呀…」

「一邊戰鬥一邊嗌招名咁中二到爆真係恥力少啲都唔掂。」

（…咦我以為你指佢裙下無著底底㖭…）

（吓唔怪得你開咗錄影模式…）

「衝上去補位啦你兩個！掛住睇！」





「係！」
「收到！」

唔駛幾分鐘眼前妖魔幾乎全數躺地板都唔在講，連見勢色唔對掉頭就走嘅亦都真係變成丟低個頭得返下半身繼續走。

「確認，動態目標數歸零，clear！」

「真係槍都唔駛開。」

「開槍仲傻仔一個唔覺意打錯自己人…」

「好，大家無事呀嘛？」

「ｏｋ！」





「無事，點可能有事呢咁情況。」

於是一行就係咁一路殺返落地下，前後差別之大就好似令無幾耐之前嘅絕境之下努力求生同殊死一戰有如搞笑一樣。

…地面樓層，由於本來響外圍警戒嘅防暴隊將包圍圈縮細推進到主坑道同梯級前嘅關係，雙方馬上會合。

「…咁樣環境…我咃盡快補給彈藥之後落去地下二樓救返啲兄弟上嚟！」

「嗯，明白，咁小妹而家就衝落去，大叔你哋隨後跟上嚟啦！」千夜笑笑口講完轉身就走。

「等陣…我唔係咁意思呀！」Echo1想叫住佢…

「由得佢啦，你仲未明白？」Alfa1就咁樣講:「我哋先係巫女小姐嘅負擔。」

「之但係…」





「…佢再利害都係得一個人，下面有幾凶險無人知無人敢包呀！」

「…講到尾佢只係個細路女咋！」

「你冷靜啲，搞清楚，撫心自問一下你係真心想幫手，定只係為咗無謂嘅自尊心先？」

「…你咁講咩意思……」

「…無咩特別意思，就字面上咁解，你頭先眼見嘅究竟跟唔跟得上佢，究竟係幫手定做成負擔？」

「之但係……」

「仲有…你究竟有無留意到……」





「…留意啲咩……」

「佢把劍…」Alfa1慢慢點起枝煙，然後發現隻手震到點唔到火，要用另一隻手按實。

「…巫女小姐把劍有咩問題？唔明。」

「…直到頭先為止，佢仲未需要拔劍呀……」

［次回待續］