【已完結】【廣東話】《魔都姬神：退魔巫女千夜》（走甜健全作死日更小說企劃）: 其之十二

其之十二



時間大約響千夜剛上車準備換上巫女服嘅時候。

Echo9剛剛一手接過Echo1俾佢嘅槍榴彈，一手繼續維持斷續扣壓手上的MG34扳機，
維持著每分鐘超過八百發的射速…
…即使已經盡可能節省而且將每一個點放嘅射擊間隔拉長，但以彈鏈連接嘅供彈背包內已近乎全空，
頭盔內表示槍管過熱與強化服裝甲服電池快將耗盡嘅警號，由剛才就一直閃爍不停提醒穿戴者。





確定最後一個手足都爬埋上去之後，槍榴彈裡面僅餘兩發嘅特製遲延性超高溫廣域燃燒彈其中一發就被射出，
由於有最短安全距離保險，佢來回反彈咗好幾下之後，碰炸及近接信管先解鎖，然後係５秒嘅時限信管，
因為佢嘅有效殺傷半徑過大，瞬間最高5500度持續燃燒約15秒對射手都相當危險，
加上係來自早年非人類起源外太陽系可變機械生命體嘅技術，所以只有分發俾隊長級配備使用。

隨住轟然冒起近乎白色嘅蒼炎，就好似分斷現世同常世之間嘅三途之川一樣，
即使響安全距離而且身穿隔熱防刺耐彈裝甲保護下，仍然感受到果種灼膚之痛。

確認槍膛內最後一發子彈都已射出，Echo9默默放下手中曾經同佢出生入死嘅愛槍，




本來佢話過只要仲有一口氣都唔會咁做，但現實係你無得唔放手。
左手長型方盾內側嘅毛瑟C96手槍只有20發子彈，加埋裝甲服提供一千五百公斤超震動及電磁增壓併用脈衝動力拳套，
就係佢最後嘅自衛武器。

以前大戰末期被稱為最後大隊嘅精英軍團專用強化服改良發展六十多年而來嘅第四世代單兵動力裝甲，
從月神二號工場無重力加工精製嘅單晶陶鋼耐彈板同納米積層構造，堪稱當代科學技術結晶，
每套單價六百萬美金作為壽衣實在係奢侈至極。

頭盔內熱成像及星光夜視鏡複合感應器標識出一個又一個敵性目標，數量已經達到雙位。





「幾好呀，一粒子彈一隻都可以有找。」

Echo9嘗試開個可能係呢世人最後一個玩笑，不過隨住一閃而過就將佢壓響地上嘅妖魔仲將佢配槍裡面廿發子彈全部清光，
最後更加要補多一拳先完全失去活動能力，佢真係再無時間亦笑唔出。

當佢爬返起身果陣，身邊已經被七到八隻妖魔包圍住，響完全確認唔到係邊隻用咩攻擊佢嘅同時，佢只知道自己成個人飛咗上天花板，再重重跌返落地。

身體好幾處痛到無晒感覺，同時頭盔內各種警告燈號與訊號達到煩人程度，不過呢次佢再無辦法亦唔再需要爬返起身，
而且隨住妖魔一爪將頭盔破開，面罩同各種碎片零件令佢血流披面，生平第一次用肉眼近距離與人外妖魔對望。

佢諗都唔諗就將僅餘電力集中響唯一有反應嘅左手上面，重重轟向眼前嘅死敵，
陣陣藍白電光連同空氣被電孤加熱產生嘅刺鼻異臭，卻並未伴隨更進一步嘅變化，

「你老味最後一擊就俾少少面做下反應啦仆街！」





於是，呢句就成為Echo9留響呢個世界最後一段說話。

妖魔就好似想洩憤一樣圍住已經再無明確反應，過去被稱為「人」嘅殘軀，
５秒時間過去都無一隻發現佢身上有一發已經解除保險，處於待發狀態嘅榴彈。

「Surprise!Baby!」

如果佢大腦響呢一刻仍然運作，
如果佢嘅面部仍然完整能作出表情，
如果佢嘅肺部同聲帶仍然能發出聲音，
相信大家就會睇到佢笑笑口講出呢句。

以佢為中心爆出耀眼白焰，就好似燃燒生命綻放嘅最後光芒，不到十份一秒時間擴大到一百平方公尺範圍嘅超高熱，
令佢同佢生前嘅敵人無分彼此，永不分離。





［次回待續］