【已完結】【廣東話】《魔都姬神：退魔巫女千夜》（走甜健全作死日更小說企劃）: 其之九

其之九

棄守突圍嘅Echo Team幾經辛苦終於上到10棲，響呢度有批由13樓落嚟嘅怪物，
加上本身由７樓一直追殺上嚟嘅另一批。形成腹背受敵，被兩面夾攻包圍嘅狀況。

「３點方向，７隻接近中！」
「８點同５點，分別有４隻過緊嚟！」
「集中火力清咗近嘅先！」

雖然失去咗Echo9嘅火力支援，但且戰且退下仍然推進到呢個地步。





「奇怪…」
「咩事…」
「由樓上落嚟嘅少咗好多。」
「…會唔會佢哋已經上咗去頂樓？」
「…佢哋係指帶住Alfa1嘅手足定係…」
「唔好想咁多，總之而家首要係殺上去，上直升機即走！」

對於彈藥所餘無幾嘅佢哋來講，雖然考慮到深入地牢查探嘅Alfa同Delta兩Team通訊斷絕生死未卜，
但老實講，連先前留守斷後嘅Echo9都可能要打定輸數救唔返，兵敗如山倒，殘存搵退路，人之常情。





「長火打埋最後一個Mag…趁而家突圍！」
「OK,READY！」
「3,2,1,Go！」

Echo1帶頭先走，去到轉角馬上遇到偷襲，不過早有準備嘅佢一個閃身避開之後順勢以左拳轟向怪物。
佢身上嘅強化裝甲服內置超震動同電磁增壓下可以令穿著者出拳力度超過一千五百公斤。

「死開啦！」隨即補上一腳將其踢飛之餘，經驗與訓練令佢絲毫未有鬆懈，移動到對角位置警戒。





其它隊員馬上補位前進，一邊開火直到殿後一位確認後方追兵未有趕上，先快步越過原來尾二尾三的位置。

「ok？」目視確認之後，再準備下一輪短衡刺。

就響衝到一半呢個時候，目標方向嘅樓梯口突然出現好幾隻怪物，各人馬上停低腳步集火迎擊。

（係咪錯覺…數量少咗好多……）

（而且頭先果幾隻似係由樓上逃走多過襲擊…）

「好…到11樓喇！」

但當繼續前進到樓層中央響佢哋眼前嘅景像出乎意料之外。

只見片地盡是妖魔殘肢，三位唔應該響呢處嘅隊員。





仲有一位穿著性感嘅美少女。



「呢度…發生咩事呀……」

［次回待續］
———————————————