泥漿俠（外傳）: 第九章：施耶
之後 Chole父母無再逼佢相睇 都算係一件值得賀喜可賀嘅事 Chole情緒都比之前開心左 師爺又成日搵我哋食飯..
佢話最近都查緊 有關於城市中有人食毒品嘅事 原來佢係師爺都會好似差人咁查案
「最近呢城市呢就好多啲後生仔吸毒 有啲client啲仔女呢就給哂毒 佢哋都幾好笑 佢哋搵咗警察嘅 跟住又搵啲律師 因為啲client呢就好有錢嘅 諗住律師都可以幫手係解決件事...」
師爺道
「其實班人都真係太過可惡嘅...其實我諗住佢揭發佢㗎喇 一來我冇實質證據 口講無憑 二來 我嘅老闆實在太有錢 佢打甩咗場官司之後一定要搵我報仇..」我道
「呢個世界都有啲咁嘅人 佢到底係邊個？你都係壞補？」
師爺有啲想避開我
「佢叫波比 我係佢身邊打工嘅 知道咗佢要搞毒品生意之後 其實我好想走嘅 但諗下諗下 繼續查案係一件好偉大嘅事 我唔應該退縮 我要為民除害...」我道
「除害嘅事應該收俾警察 你應該提早離開佢 佢係一個壞人...」師爺道
「其實呢警察都唔係強得去邊㗎咋 到而家一啲線索都查唔到 反而gordon就唔同喇 佢係波比身邊最重要嘅人 可以搵到啲最重要嘅線索 呢樣係冇壞嘅 我都支持佢 」Chole同意我嘅說法 仲要做緊一件正義嘅事
「不過係危險咗少少 如果真係可以幫城中為民除害嘅話 調返轉嚟諗都唔錯嘅 你都算係一個勇敢嘅人 我都相信冇幾多個會咁做 我仲以為你會跟佢哋埋堆...」師爺道
「傻啦我都有自知之明嘅 雖然我嘅實力可能唔係強得過佢地 但係我能力範圍做到嘅嘢我都會去做 我唔會違背我嘅良心 明明見到佢做啲咁錯嘅事 我仲要退縮我唔係一個真男人...」我道
「你講得好我支持你...」師爺講完 Chole對眼帶出感動嘅眼神
師爺講過會協助我 有咩需要幫手就出聲 佢勢力強又有一班精英律師 的確好幫到手
勇敢兩字唔係個個都可以做到 當然我有英雄裝置 可以變身 如果唔係以上嘅說話我都未必有勇氣講得出 唔係點會令到Chole對我刮目相看
嗌左一檯食野 師爺話從來未試過咁開心 三個人你一啖我一啖嘅滋味
呢個只不過係中午餐 日後仲有大把日子可以約 為左可以約我地出嚟食飯 師爺仲特約推左好多工作 佢話人生唔應該捆綁於工作 有時仲要自己開心自由自在 係我地令佢知道咩係享受生活...
搞到我有少少唔好意思
私人食飯時間本來唔應該講咁多公事 太悶了 又無趣 咁同捆綁於工作都無咩分別
不過我下晝就要番去做野
我一直都係波比身邊 只係佢唔肯透露俾我知佢嘅竇係邊 成日話要一網打盡 呢個真係頭痛...
Chole下晝都有自己做 所以各自離去
師爺之後都開始搵我 佢唔係想幫手 係佢單案同波比有關 咁搵我都好正常 畢竟跟左咁多年 唔多唔少都有一啲黑材料 只係對師爺嚟講有無用咁解 咁樣去激嬲下波比都幾好 等佢有所警惕下自己
毒品生意越滾越大 但我仲係知啲又唔知啲 波比又無打算一毛俾我 唉 黑心老闆 淨係識毒食 出面啲同事又多知佢個味野 最近波比身邊嘅人都係得我
成間公司得我係佢身邊跟住 佢唔信我就係信通通..
到左聽日...
波比終於做事 同樣 波比帶我去假嘅通通大師辦公室 我又係度諗 真嘅通通大師去左邊？俾波比困住左 定己經毀屍滅跡...？
我係而家先發現佢係假嘅 原因係假嘅同真嘅簽名有所唔同 咁耐之來都無見過大師嘅簽名 係佢辦公室先發現簽名同之前有所唔同 同埋佢性格又變左另一個人
無人懷疑呢個假嘅通通大師都幾犀利 咁都可以瞞天過海....但瞞唔過我雙眼
辦公室裡頭有個機關大門 裡面係一個冰床嘅物體 冰住嘅就係真正嘅通通大師 相信己經回天乏術了 一個冰床可以放係度唔知幾耐 而家俾我知道有咩意思..？ 不過我講出去無用 真相得我地三個人知 呢度又好難有三個人去聽到我講野 唔係波比就係假嘅通通大師 跟住就係我
咁唔駛問啦 十成都會認定係我做嘅 假嘅通通大師坐左監 斷左波比嘅米路 波比都唔會放過我 所以我一定唔會係呢個時候公開
好多野都係棋差一著 好簡單 我嘅英雄裝置未練好 除左番工我都會搵時間練下 點尬要培養下感情
Chole有陪我練習 一開始就覺得練嚟都係哂時間 而家覺得個裝置幾廢都好 點都可以保護自己少少 起碼我唔識武功都可以用到..
係呀... 練到好順暢咁滯 最緊要飛上天令到Chole嘆為觀止
係天空飛嘅感覺實在太好了 同雀仔一樣自由自在地飛翔 一般人又點會識飛 而家最重要嘅事係臭彈 點都唔可能有咩事途中就發射唔到 咁樣一定好瘀皮...
「練到黃昏咁滯 都睇到你有飛行嘅成果...」Chole道
「高興唔高興先...」我道
「高興呀 可以帶我飛 我都不知幾開心...」Chole道
「你太重喇 我都唔知抬唔抬得起你添呀...」我無大家想象中咁大隻
「都叫你平時食多啲野架啦 眼闊肚窄...」Chole道
「對唔住呀...我之後一定會食多啲野架喇...為左表示我嘅歉意 我決定左一件事...」我道
「你決定左啲咩...？」Chole道
「就係而家我請你食大餐...」我道
「真係合我心意 走嚕...我要食最貴...」Chole道
「無問題...多多都得..」我笑道
「呢句說話係我永遠最放心嘅一句說話」Chole道
「以後大把事你都可以放心落去...呢個就係我對你嘅承諾...」我道
令Chole開心係一件開心事 因為佢開心 我先會開心 佢傷心 我都會難過 等我練成好英雄之後 我會分擔佢嘅傷心
其實傷心都莫過於愛姐...