泥漿俠（外傳）: 第八章：通通

呢個世界原來有一間英雄公會
可以攞到一級榮譽 得到多人應可
就喺馬灣城市隔離
窮巷
一片寂靜
公會都唔係一幢高貴嘅建築物 睇落有少古典風仲有啲畢加索嘅風格 實在太抽象 自問美術嘅野我識條鐵 雖然大街人多車多 但呢條巷極少人會入
甚少有人會嚟公會 會嚟嘅都係身懷絕技 有啲仲好強勁 又識功夫又識特異功能
「我係跟周星祖學嘅學嘅特異功能 中地係賭聖 我係賭弊」呢個朋友正正就係今日係我面前表演絕技 佢嚟呢度想入英雄公會..
「咩係賭弊 你改個名都改得好少少 你唔好叫賭弊喇 你叫濕滯啦 你唔駛旨意入到公會呀 我一定打到你飛起個隻...」
公會嘅人唔單止串 好惡 仲有好嚴格 所以唔係非一般人可以入到嚟




佢唔係賭弊 係賭閉 仲話咩特異功能 佢肯定睇得多周星星啲片睇上腦 公會會長一眼睇穿左佢啲法術

公會會長唔容易就見人 應該話佢比較多應酬 忙到一個點 我得知有公會事跡之後 我二話不說就報名
不過唔好意思 我唔夠班加入公會 我嘅裝置仲未到家 佢己經睇穿左我
「所以公會有幾個人係度？」我好奇問公會嘅接待處
「12個...」公會嘅人包括佢有12個都真係少 攞到榮譽 我就可以係城市有啲成就 至少Chole父母會睇得起我 一個英雄做佢女婿 仲要比警察比其他人更保護到佢 起碼有啲安全感 不過我做左英雄應該無人會敢搞佢
我心裡面不禁有啲興奮
「點解我唔入得？ 我識飛又識噴野 一個英雄嘅基本條件都有齊 你話唔得就唔得 你叫公會會長嚟見我..」我好想見到公會會長一面
「你傻左咩？公會會長係你話見就見嘅咩 朋 友你幾時返去印度食蕉呀 我可以送你一程喎..」
公會會長囂張嘅態度 真係好想打佢一鎚 但係唔好意思 我唔識得基本武術 跟住就放棄咗




「嚟得呢度嘅都係想見佢一面 總唔可能單憑你一面之詞 唔比入就話唔畀入 我係隔離城市過嚟嘅 好辛苦㗎啦呢度...」我係呻博同情
「咁又點啫 尋日夠有個話喺外太空嚟啦 我打到佢出去冇朋友呀 以為你喺隔離城市嚟就可以入到喇咩 太天真了朋友...」
佢講嘅尋日係外太空都係作嘅姐 都無事實根據
「其實呢 你返去再學習下強化自己先 都係一個可造之材嚟嘅 你又唔識武功 淨係識啲半桶水嘅法術 英雄公會好難畀你入去...」

無野係難到我嘅 正所謂我係天選之人 意外地獲得英雄裝置 唔通真係掉左佢咩 我嘅抱負好大 不得不把整個世界嘅英雄都征服...

「我一定會努力 證明俾你睇 終於一日我會打低你呢個牙擦蘇...」我向天發誓
「我唔係叫牙擦蘇...仲有你打唔過我架喇 我係宇宙榮譽」佢嬲爆爆
「我又唔知道你叫咩名 你一嚟就係度牙擦擦 咪叫你牙擦蘇囉...」睇嚟佢唔鍾意牙擦蘇呢個名




到最後佢一樣無同我講佢叫咩名 不過己經唔重要了...