命中注定我與妳?: 46. 我會繼續(大結局)

「妳已經計劃好?」
 
「當然啦」佢微笑咁對住我講
 
「真係估妳唔到喎」
 
嘉儀佢塊面好紅咁話「我…重視同你去街嘛」
 
我摸一摸佢個頭「行啦」
 




嘉儀捉實我隻手一齊行，去到戲院前，我地揀戲睇
 
我地揀左套好hit嘅西片睇
 
「莎士比亞大戰醉拳甘乃迪」
 
套戲嘅內容大家唔洗知我只係知道，嘉儀佢成場戲都好進取咁攬住我
 
仲請我食波餅
 




嘉儀個胸雖然冇家琪姐咁犀利，但都叫做有睇頭。由佢著校服時果陣我已經知道佢係有料之人
 
睇完戲後，難得佢肯去D半自助到食，佢同慧思有一個共通點，就係食極都唔肥
 
我地坐係窗邊，一齊午飯
 
嘉儀佢比慧思有儀態，比佢斯文
 
冇錯!依我所知，慧思係真光係會起飛腳、講粗口
 




呢個可能係姑姐遺傳嘅，姑姐以前係英華，係一個惡霸黎。佢經過嘅地方總係寸草不生
 
嘉儀係我心中地位愈來愈高
 
「打開口丫」佢切好D野食，用叉拮好就餵我
 
果一下，感覺真係唔錯
 
食完午餐，嘉儀提議去一個地方
 
佢拖住我行到去太古咁我估到佢想做咩啦
 
「妳想溜冰?」
 
「哈，你又知嘅?」




 
「咁黎得太古，就一定係溜冰架啦」
 
「哈，你真係好似Miss Lam所講，你個腦係轉得好快
 
「媽咪會讚我?」媽咪真係好少會讚我
 
「係呀，Miss Lam話佢個細仔係三個仔女中最聰明、最乖果個」
 
「最麻煩呢?」我笑住咁問
 
「唔…應該係你家姐」
 
「咁好正常者，家姐佢由細到大都鍾意痴實姑姐。阿哥呢?媽咪有冇點講」
 




「Miss Lam咪話個二仔讀書同搵錢都好叻，搵女朋友就更叻」
 
「因為佢搵左家琪姐姐?」
 
「冇錯!!佢追左我地英華嘅狀元校花，點會唔叻」
 
「咁阿哥又真係好早睇中家琪姐姐嘅」
 
「幾時呀?」
 
我諗返一諗「唔…佢地應該小學第一次見面。然後F.1果時，有一次阿哥去睇家姐打比賽，果日佢係觀眾席見到著住排球衫嘅家琪姐姐，佢果時係呆左咁」
 
「估唔到佢咁早就mark實家琪姐喎。咁佢追左幾耐先追到手呀?」
 
「幾耐呀?我諗一諗先」




 
計返，家琪姐第一次黎我地屋企，然後一個月左右就英華開放日……之後就…
 
「唔…大約一個月左右啦」
 
「估唔到喎」
 
我地兩個係去到溜冰場，一齊揀啱Size就準備換鞋
 
正當嘉儀換鞋果時，佢差d走光，為免佢俾人睇蝕哂嘅關係，我企係佢面前低頭望住佢
 
係佢t-shirt中，我望見佢個粉綠色胸圍…..而同時，嘉儀都望住我
 
我地兩個溜冰都唔係叻，所以大家都係一樣，雞手鴨腳
 




手拖手咁樣係溜冰場一齊玩，感覺真係好青春
 
溜完冰後，我同嘉儀去食飯
 
係晚上，我地係海邊拖慢慢行
 
終於，嘉儀對我講出心中嘅說話
 
「Clodulf」
 
「嗯?」
 
「其實…我有咩比唔上佢?」
 
「佢?妳係指邊個?」
 
「Miss Cheung個女」嘉儀望實我再同我講
 
「咦…妳…點解會知道…」
 
嘉儀笑一笑「你唔記得，我都係住堅尼地城咩?我有幾次見到你同Miss Cheung兩家人一齊行街，你身邊總係有個同我差唔多年齡嘅女仔係身邊，而且佢仲好似Miss Cheung同校長。所以我就知，你鍾意果個，係校長個孫女，係唔係?」
 
嘉儀佢真係冰雪聰明，佢係繼媽咪之後，英華中最叻嘅學生
 
所以我都佢嘉儀點左一下頭
 
然後佢就靜靜地企係到，我仲聽到少少喊聲
 
於是我行近d嘉儀之際，佢攬實左我
 
過左一陣
 
「我鍾意你，我真係好鍾意你」
 
「嗯…我知」
 
「我一向…都唔太鍾意同男仔相處，所以我先揀女校…但係遇上你之後…我先至知道…我都會鍾意男仔…」
 
「咁…係個係天性」
 
「我真係以為你會好似你哥哥咁…會搵我地學校嘅學生做女朋友」
 
「凡事都有兩睇嘅…」
 
「咁你係咪一定要揀大白鯊個女?同佢結婚?」
 
「將來嘅事我做唔到任何無證架嘛」
 
嘉儀佢諗左一陣後，向上望住我，雙手捂住我塊面
 
然後我地係海邊，雙唇緊貼住對方
 
「我唔會咁易放棄架」
 
「下?」
 
「我總要同大白鯊個女爭一次，我未試過，又點知自己一定會輸?」
 
「不過嘉儀…」
 
「我自己嘅幸福我要自己爭取」
 
嘉儀佢回復返自己嘅笑臉
 
我地拖住手咁行返屋企
 
係佢屋企樓下佢再我向保證多一次
 
「我會向大白鯊個女挑戰架」
 
講完後，佢就行返上樓，而我，都轉身返屋企
 
「喂!」一把熟悉嘅聲音叫住我
 
係慧思
 
「你係到做咩呀?」
 
「冇呀，路過囉」點解我會有d心虛呢?
 
「即係冇野做啦，咁你陪我去食糖水」
 
「但係….」
 
「行啦!!!!」佢雙手撓住我就咁走左去
 
兩個咁好嘅女仔，我要點選擇?
 
-完-