命中注定我與妳?: 34. 同學們的怨恨

嘉怡面紅紅咁係到食我買俾佢果份早餐果時，我學校嘅中樂團同埋其他同學都黎到
 
帶領中樂團落車嘅有我地劍擊學會嘅劍友，人稱教父嘅Peter仔，佢唔單止係我地劍擊學會嘅成員，佢仲係我地學校中樂團嘅一份子
 
佢主打二胡，佢揀二胡嘅目的，係話將來可以去街邊賺下錢咁
 
而佢叫教父嘅原因，係我地幫佢改嘅。因為佢同我地打機果時，經常用祭司去感化我地d士兵，所以我地就叫佢教父
 
「喂，阿翹哥，咁早就上到黎望女仔?」
 




「我跟媽咪返黎，邊有望女仔呢?」
 
「傳聞英華中樂團有個女仔好靚，識玩好多樂器架喎，你識唔識先?」
 
「佢姓咩?」
 
教父諗一諗「好似係姓…..孫…..孫咩話?」
 
「孫嘉怡Winnie呀?」我忍唔住提一提佢
 




「呀!係呀!冇錯，就係佢，你識唔識?」
 
「佢係我媽咪果班架，我當然識佢啦」
 
「佢係邊呀?我地成班想識佢呀」
 
「佢?佢食緊早餐喎」
 
就係我講完呢句後，嘉怡就係我後邊出現
 




「Clodulf!!!」佢出現時，仲雙手捉實我
 
「唔該哂你，你又知我鍾意食腸粉嘅?」
 
「咁呢個餐最受歡迎，所以我咪買俾你囉」
 
「你估中左，我經常食呢個餐」
 
我睇一睇錶，係時間去準備
 
「好啦，我去準備下先啦」
 
嘉怡扁起咀「陪多我一陣啦」
 
「呀….我d同學唔係好鍾意喎」




 
冇錯，佢地一大班係我身邊發出怨恨嘅氣
 
嘉怡望一望佢地，鼓起泡腮，再雙手撓實我
 
「今日佢係我地英華嘅御用攝影，你地Queens仔同唔同意?」
 
大家一定唔同意，結果嘉怡身後出現一大堆佢d同學
 
「Clodulf係我地英華嘅人呀，佢幫我地影相有冇問題呀?」
 
呢班女仔唔講得笑，兇起上黎真係好凶狠
 
不過呢，總有人救到我嘅
 




佢永遠好似知道我幾時會有難咁，係最適當嘅時間出黎救我
 
「中樂團，妳地捉住我個仔做咩呀?」
 
媽咪出現打救我啦!!!!
 
「Miss Lam」「Miss Lam」
 
「浩翹你返去學校到先啦，我地有事就會搵你架啦」
 
「知道!兄弟!閃!」然後我就俾一大班同學圍住黎D
 
「你呀!獨食難肥呀!!!咁多女嘅你!?」
 
「係囉!!真光果到又有，呢到又有，聖士提反又有，聖嘉勒又有，分D黎好喎」




 
「自己去溝人啦」
 
「真係…喂教父…教父!!」
 
教父回一回神「係!!!」
 
「醒D啦，咪俾班女笑呀」
 
「頭先你身邊果個，就係孫嘉怡?」教父口窒窒問我
 
「係呀，就係佢，做咩?想識佢?」
 
「你係唔係介紹俾班兄弟識先?」
 




「可能你地表演完，你就識到人地呢?」
 
我地返到去休息室，我著上攝影相反光衣
 
我被分配去幫英華影相
 
「阿sir!!點解我要去幫英華妹影呀?」
 
「孔校長要求，佢話要佢孫仔幫佢d學生影。如果我唔派你，你估班同學會唔會爭住影班女仔丫」
 
「咁都唔洗搵我呀」
 
「你同你婆婆講啦」
 
離開休息室，我拎住部單反同紅圈鏡行去英華果邊嘅休息室
 
一打開門，就見到姑姐游黎游去
 
「你入黎做咩呀?」
 
「姑姐，婆婆同我學校講，要求我做妳地學校攝影」
 
我咁講，成班女仔依嘩鬼叫，仲好興奮
 
另一邊箱，一班男仔係到繼續怨恨