命中注定我與妳?: 22. 其他女仔

第一個星期，我地開始有課外活動。除左劍擊之外，我都加入左攝影學會
 
係學會，我慢慢認識到光圈快門之類，仲有學構圖
 
我亦都開始搵野黎練習
 
有時我都會等埋慧思一齊放學
 
係starbucks中，我面前出現左個著紅十字會制服嘅女仔
 




我定哂眼望住佢
 
「做咩呀?我好醜咩?」
 
著起制服嘅慧思比起著長衫校服嘅佢又有另一番風味
 
係地鐵上，我地傾下課外活動有咩好玩
 
「你學影相呀?」
 




「係呀，影人像影風景」
 
「你想影女Model呢?」慧思好奸咁望住我
 
「邊…邊會呀?」其實我心中Model有一個嘅
 
佢再走埋d我到講
 
「你想影家琪姐姐呢?」
 




我個心虛樣好快出現，冇錯，我係好想搵家琪姐姐黎做Model
 
慧思見到佢自己估中左，又黑面
 
「不如咁囉，我技術進步嘅話，就拎妳黎影囉」
 
「你真係會用我黎做model?」
 
「係呀」
 
慧思撓實我「咁我乖乖地等你啦」
 
時光飛逝，好快，阿哥同家琪姐姐兩個中學畢業
 
我地一家人應校長婆婆邀請，去見證家琪姐姐超越媽咪嘅一刻




 
係畢業典禮上，家琪姐姐都成為左英華女校嘅神話之一，佢以無敵姿態橫掃各項獎狀
 
佢仲公開多謝阿哥呢個男朋友
 
係DSE放榜果日，阿哥同家琪姐姐成為左狀元，而阿哥仲多一粒星
 
佢地呢對情侶檔一齊入左HKU MBBS
 
而家琪姐姐仲搬左黎我地屋企，同阿哥半同居
 
有時夜晚，我總係會見到佢地去洗手間整理一下
 
F.3果一年開始，我同慧思開始疏遠
 




佢係真光有佢生活，我係皇仁有我嘅忙碌，而且自從我俾人送上直昇機之後
 
好憧憬直昇機醫生呢個職業
 
於是我就以阿哥同家琪姐姐為目標，我都想考醫科
 
所以我F.3開始已經發力讀書
 
慧思一日比一日靚同可愛，有時，我仲見到佢會同男仔一齊放學或者行返真光
 
睇黎佢都係忘記左我同佢之間嘅約定
 
F.4選科年，我揀左phy chem bio個elective，另外我仲問IS同學拎Notes黎睇
 
有一日我自己返到屋企，媽咪走去我間房




 
「浩翹，聽日去學校幫幫我丫」
 
「聽日?星期六喎」
 
「你班主任要你放鬆下，你乖乖地啦」
 
於是第二日，我就幫媽咪返英華整野，我等巴士果時，見到個著住英華校服嘅女仔拎住好多野好狼狽咁
 
所以，我就上前幫一幫佢