命中注定我與妳?: 16. 向媽咪發難

我同媽咪家姐阿哥一齊踏出英皇之後，我同左媽咪講
 
「媽咪呀，我唔返屋企住先」
 
「你有地方去咩?」
 
「我….去一去皇仁」
 
「去皇仁?做咩事呀?」
 




阿哥一聽到皇仁就知我想點，真不愧係我阿哥
 
「媽咪，細佬想去皇仁考入學試」
 
「入學試?浩翹你唔鍾意讀呢到咩?」
 
「唔鍾意」
 
「但係你派左黎啦喎，乖乖地係到讀啦」
 




「唔制」
 
「媽咪呀，妳由得細佬自己揀啦」
 
「但係佢又唔一早講」
 
「所有野妳一早幫佢安排好哂，佢點同妳講者」家姐都加把口埋黎
 
「唔理你啦!你地三個都係咁嘅!!似足你地爸爸」
 




媽咪好嬲咁走返英華，而家姐同阿哥就係我身邊陪我
 
係果一刻，我真係有D唔開心
 
但係家姐同阿哥永遠都係我身後支持我
 
家姐摸一摸我個頭「你呀，就算皇仁收你，你都未必一定讀係唔係?」
 
我望住佢地點一點頭
 
「你睇下慧思發難成唔成功先啦，家琪話佢同姑姐撐到行哂」
 
佢地陪我搭地鐵去到皇仁
 
「唔該，我想報入學試」




 
果名老師望一望我「同學拎你學校成績表黎俾我睇下先」
 
「係…」我遞上成績表俾佢睇，佢立即抬頭望我
 
「你等等…」
 
佢轉身打左個電話，家姐同阿哥係我身邊陪我一齊等
 
五分鐘後，有個中年男士黎到
 
「你係程浩翹同學?」
 
「係…」
 




「你想參加入學試?」
 
「係…」
 
「你派左去邊間中學?」
 
「Kings’….我派左去英皇書院」
 
校長望一望我
 
「你住…堅尼地城，讀英皇應該比較方便你，佢地係我地兄弟校，大家冇咩分別，點解你一定要黎呢?你係聖類斯小學全級第一，你仲可以返中學部喎」
 
我真係冇諗過校長會問我呢個問題，反而阿哥代我答左
 
「校長，我細佬唔想用世襲制跟我入英皇，不過我地媽咪堅持要佢跟住我」




 
「你地有冇同媽咪講過?轉校唔係小事黎」
 
「有，我地三個仲激嬲左媽咪」
 
「咁樣唔得喎，我要同你地家長傾下」
 
「校長，我相信媽咪係學校而家非常忙緊，佢仲要處理我地訓導主任個女」
 
「哦，妳地媽咪係…邊間學校老師?」
 
「英華女校，我地媽咪係英華生物科科主任」
 
「咁樣我就更加要同妳地媽咪講下，問下佢意見」
 




不過，家姐電話突然響起
 
打電話黎嘅，係婆婆
 
「婆婆?係呀，我地三個係皇仁呀。係….慧思呢?返左大坑真光?係係係….呢邊?校長要同媽咪傾下….妳講?」
 
家姐將部電話遞俾皇仁校長
 
「校長，我地媽咪未必會同到你傾…但係電話對面果個，係我地婆婆…佢話你一定會同佢傾下」
 
校長一接電話「係，我係皇仁校長，邊位?係….係…孔校長….係，妳身體幾好嘛??係…..妳孫仔?哦，問題唔太大，不過洗唔洗同佢地媽咪…係係係…冇問題，英皇果邊?我會同Kenny講，好好好，麻煩哂妳，係，下星期見啦」
 
校長遞返電話俾家姐後，叫負責註冊嘅老師黎
 
「係，校長，有事?」
 
校長指一指住我「程浩翹同學，1D班」
 
「D…D班?佢未考試喎校長」
 
「佢係聖類斯連續6年全級第一，我唔洗佢考入學試，幫佢搞手續」
 
「但係註冊證…」
 
「係英皇果邊，佢地派人送返過黎。佢所有申請表，一陣英華女校會fax黎」
 
「知道校長」
 
校長望住我地三個
 
「程詩敏，英華女校排球隊隊長，完全無視女拔挖角。程浩揚，英皇連續5年全級第一。你地三姊弟都好叻」
 
「校長你過獎啦…」
 
「頭先孔校長同我溝通過，佢話Miss Lam同意你過黎我到學校，你所有資料會送過黎」
 
「係…」
 
「程同學，唔好令孔校長失望知唔知?」
 
「係!!我知道!!!」
 
就係咁，我係唔洗考入學試之下，入左皇仁書院。而慧思就係婆婆安排下，返左去大坑真光中學