命中注定我與妳?: 15. 生死之間

五年級嘅旅行日，我地班決定去大尾篤玩
 
一大班男仔有咩玩?玩水啦、扔野落水塘啦之類
 
但係果日有個居民周圍噴d gel之類嘅野
 
係我地玩得好開心果時，d野噴中我
 
本來我以為冇咩事，但係坐坐下發現有問題，我條氣開始喘，感覺到氣管開始收窄
 




呼叫開始快而淺，以我經驗所知，我要立即拎枝藥出黎吸
 
吸一下，冇用…吸多一下…又冇用
 
我d同學見到立即通知老師上黎，不過果刻我已經開始透唔到氣
 
我視力開始模糊
 
係我就快缺氧一刻，突然有道氣吹入我肺中
 




我望到有消防員幫我急救緊，佢地幫我戴呼叫器，即係Bag我
 
10分鐘後，聽到有直昇機飛到，我亦好快俾人送上直昇機
 
我班主任將我所有資料交俾飛行服務隊後，我就俾人送去醫院
 
可能我係細路仔關係，機員同護士好急咁推我入R房
 
我都feel到好多野貼係我身上
 




過左陣我太攰瞓左
 
我係夢中，又見到慧思
 
今次佢又一手捉住我唔准我走
 
然後用力拉左我入教堂之中
 
我感覺到我俾人推緊，我聽到媽咪嘅喊聲，仲有慧思嘅喊聲
 
瞓左陣，我打開雙眼，我就見到家琪姐姐係到
 
「姐姐?」
 
佢聽到我叫佢，立即成個人彈起身




 
「浩翹?你有冇事呀?」
 
「我好左好多啦」
 
係果晚，醫生批准我出院，連同家琪姐姐果晚去我屋企瞓，我地一家6口返屋企
 
返到去我沖完涼，慧思已經緊緊攬實我
 
「你呀….我以為永遠見你唔到啦!!!」
 
估唔到呢個傻女真係傻得可愛
 
係果日我知道，我真係鍾意眼前呢個細我8日嘅女仔
 




小學五同六年級係呈分試，以我嘅成績，應該可以跟返阿哥去英皇書院
 
而慧思呢?姑姐一定係幫佢安排左入英華
 
但係我知道，佢最想就係讀大坑真光
 
家姐DSE大成功，佢入左poly u nursing，而Jayden哥哥就入左HKU LLB
 
阿哥同家琪姐姐呢?佢地兩個依然甜蜜
 
終於到我放榜果日，不出所料，我跟阿哥入左英皇，而慧思就入左英華
 
但係慧思係家琪姐姐為首嘅一眾巨鯊幫嘅幫助下，打算向姑姐發難
 
佢註冊果日應該會有大龍鳳睇




 
而我都係去英皇註冊果日，做左件大事