命中注定我與妳?: 10. 女神光臨我屋企

係泳池內，我係到練習踢水。而教練就係我身後指示我游
 
其實我已經游到好多米，每一次游完我都會好攰咁返屋企
 
今日我又上完游水堂，返屋企沖左涼就上床瞓陣
 
然後，我聽到間房有D嘈
 
打開眼，見到爸爸係我房到收埋左一D野，佢個樣有少少失落咁
 




我趁佢出左去後，就打開衣櫃睇下
 
爸爸將D野收到好埋好埋
 
係櫃內，有一個唔屬於我嘅盒。我一打開，就見到爸爸細個時嘅相
 
係爺爺同麻麻陪姑媽一齊影嘅相
 
係相中，有一個女仔吸引左我眼光
 




佢同慧思好似樣，世界上只有一個人會係咁
 
佢就係姑姐
 
相中爸爸拖實姑姐隻手
 
有爸爸讀中學時嘅相、姑姐著泳裝同爸爸一齊影嘅相，仲有著長衫校服影嘅相
 
我諗左好耐，點解爸爸要收埋姑姐D相呢
 




我睇真D，佢地兩個態度好親密，親密程度就好似同媽咪咁樣
 
唔通…
 
我同慧思…係一對兄妹?
 
我係指有血緣嘅兄妹?
 
我鍾意左我自己個妹?
 
我愈諗愈驚下，將盒野快快收好
 
點知，爸爸已經企係我後邊
 
「爸…爸爸?」




 
不過佢個樣仲尷尬
 
「呀…浩翹…你…見到D咩…」
 
「呀….只係你同姑姐…..」
 
「係係係…得….我加你零用錢，你唔好俾媽咪知道!!!」
 
「但係慧思….」
 
「你放心，慧思唔係我個女!!!」
 
我都相信爸爸唔會咁大膽嘅……
 




「爸爸每星期俾500蚊你，你要保守秘密」
 
爸爸呢500蚊真係容易賺
 
既然爸爸俾多左零用，我就買返D野俾慧思啦
 
升左5年級後，我地兩個一齊做功課時間多左
 
佢已經好似忘記左我摸佢個胸嘅事，佢依然係咁鍾意痴實我
 
不過…我仲記得我應承過會娶佢做老婆件事
 
我放學後，係診所等埋慧思放學，就一齊返我屋企
 
通常我地一返到去就打開哂D功課等家姐返黎檢查。不過家姐F.6啦，所以有時佢會將教我地功課嘅責任交俾阿哥




 
「呀…你幫我做左份數學得唔得呀?」慧思最討厭嘅科，就係數學
 
佢對於數字係非常唔敏感，但係佢嘅語文能力，就連家姐都要佩服
 
慧思嘅英文成績唔止好咁簡單，佢係異於常人
 
就連口音，都同新聞報導員冇分別
 
佢嘅英文作文之中嘅Grammar，可以接近冇錯誤
 
慧思嘅英文，應該係遺傳自姑姐同婆婆
 
佢地三婆孫英文真係勁到一個點
 




每一次我同佢英文鬥高分，我總係會輸俾佢
 
所以，我就用數學黎屈佢機
 
係今日，有一個大姐姐出現係我地生活之中
 
佢就係我女神家琪姐姐
 
但係我估唔到，呢個大姐姐會同我屋企產生咁多淵源